Кардашевскай Руф Иванович

Кардашевскай Руф Иванович — Гражданскай сэрии кэмигэр Пясталов этэрээтин разведкатын начаалынньыга, Бүлүү уокуругун Сэбиэтин ситэриилээх кэмитиэтин бэрэстээтэлэ, Саха АССР сирин наркомун солбуйааччы, тыа хаһаайыстыбатын "Салҕабыл" иэс биэрэр табаараыстыба бэрэстээтэлэ, Сельхозбанк салайааччыта, Саха АССР наркоматын Москубатааҕы бэрэстэбиитэлэ, Үөһээ Бүлүү Кыһыл дружинатын тэрийсибит киһи.

1891 с. муус устар 1 күнүгэр Үөһээ Бүлүү улууһугар Балаҕаннаах нэһилиэгэр дьадаҥы дьиэ кэргэҥҥэ төрөөбүтэ. Аҕата элбэх оҕолоох Тиэрэйбэҥ Борокуоппай. Ол эрээри оҕото суох баай аймахтарыгар Кардашевскай Уйбаан Леонтьевич - Кутаскыын кулубалаахха иитиллибитэ. 1900 с. Куорамыкыга саҥа аһыллыбыт 2 кылаастаах сыаркап приходун оскуолатыгар Монастырев Василий Григорьевичка үөрэммитэ. 1904 сыл сааһыгар оскуоланы бүтэрбитэ. Кыра эрдэҕиттэн Бүлүү куоракка Николай Расторгуев баайга үлэлээбит. 17 саастааҕар Битиимҥэ, Бодойбоҕо барбыт.

Үөһээ Бүлүү Кыһыл дружинатын тэрийсибитэ. Революционер, уезтааҕы ревком чилиэнэ.

Олоҕун кэрдиис кэмнэрэ

• 1920-с сс. Бүлүү уокуругар Советскай былааһы олохтоспута.
• Бүлүү уокуругун Советын ситэриилээх комитетын председателинэн быыбардаммыта.
• 1926с. Саха Республикатын Сирин наркомун солбуйааччы председателэ.
• «Сельхозбанк» салайааччыта.
• «Салҕабыл» кредитнэй общество салайааччыта.
• Дьокуускай куорат Советын председателэ.
• 1931-1933 сс. Саха АССР Народнай Комиссардарын РСФСР правительствотыгар Бастайааннай бэрэстэбиитэлэ.
• 1938 с. репрессия ыар долгунугар түбэспитэ.
• Хаайыыга сытан, 1941 с. өлбүтэ.
• 1956с. үтүө аата чөлүгэр түһэриллибитэ.