Курилов Семен Николаевич

Курилов Семен Николаевич — биллиилээх дьүкээгир суруйааччыта, аан дойдуга аатырбыт «Ханидоо уонна Халерхаа» диэн романы суруйбут.

Курилов Семен Николаевич

Олоҕун олуктара

• 1935 сыл балаҕан ыйын 9 кунүгэр Аллараа Халыма улууһугар Өлүөрэ нэһилиэгэр төрөөбүт.
• 7 кылааһы бүтэрэн баран колхуоска оробуочайдаабыта. Нэһилиэгэр, улууһугар култуураны сырдатар тэрилтэлэргэ үлэлээбит.
• 1961 сылтан бэчээттэммит.
• 1980 сыл муус устар 6 күнүгэр өлбүт.

Айымньылара

• Ханидо и Халерха. Роман. — /нууччалыы Р. Палехов тылбааһа — М., 1969. — (Роман—газ. N22); М, 1969; Новосибирск, 1970;
• Ханидо уонна Халерха. Роман. — /сахалыы М. Дьячковскай тылбааһа — Якутскай, 1971; М., 1972; 1979; 1983; 1984; 1988;
• Саҥа дьон. Роман. /сахалыы М. Дьячковскай тылбааһа — Якутскай, 1977;
• Новые люди. Роман. /нууччалыы Р. Палехов тылбааһа — М., 1975.

Ини-бии Куриловтар

Дьүкээгир омугун аан дойдуга биллэрбит дьонунан үс ини-бии Куриловтар буолаллар. Төрөппүттэрэ табаһыт идэлээх Николай Николаевич уонна Анна Васильевна Куриловтар норуот фольклорун үчүгэйдик билэр дьон буолан уолаттарын дьүкээгир култууратын чиҥник уонна киэҥник билэр гына иитэн таһаарбыттар. Семен бырааттара Гаврил Курилов (Улуро Адо) уонна Николай Курилов. Гаврил — лингвист учуонай, суруйааччы, дьүкээгир бастакы букубаарын ааптара. Николай Курилов дьүкээгир омугуттан бастакы идэтийбит худуоһунньук, ону таһынан поэт, прозаик, драматург, суруналыыс, «Геван» радиостанция үлэһитэ.

Литература

• Антомин К. Ф. О фольклорных истоках дилогии С. Курилова "Ханидо и Халерха" и "Новые люди". — Красноярск, 1991;
• Окорокова В. Б. Юкагирский роман. — Якутск: Ситим, 1994;
• С. Н. Курилов. Д. И. Саввинов. Биобиблиогр. указ. — Якутск, 1979.