Кысылбаиков Гавриил Давыдович

Кысылбаиков Гавриил Давыдович (1924-1979) — ырыа айааччы, учуутал.

Үөһээ Бүлүү улууһун Ороһу нэһилиэгэр 1924 сыллаахха төрөөбүтэ. Дьокуускайдааҕы учуутал институутун, Хабаровскайдааҕы баянист-хормейстер кууруһун бүтэрбитэ. Эдьигээн, Үөһээ Бүлүү оройуоннарыгар учууталлаабыта. Өрөспүүбүлүкэтээҕи уус-уран самодеятельность бэстибээлин лауреата. "1941-1945 сылларга Аҕа дойду Улуу сэриитигэр килбиэннээх үлэтин иһин" мэтээлинэн наҕараадаламмыта.

1955 сыллаахха "Отчут кыыс хоргуппут ырыата" диэн бастакы ырыатын айбыта. "Күн тааһа" балеты, "Уот туһунан тойук" ораторияны (С. Дадаскинов либреттотынан) туруорууга көмөлөспүтэ.