Atamai1

Аҕа дойду сэриитэ элбэх киһи олоҕор аймалҕаны, сүтүгү аҕалбыта. Быйыл Кыайыы күнэ уруйдаммыта 71 сыла буолар. Бу сэриигэ үгүс дьон кэргэттэрэ, аҕалара, бырааттара уонна убайдара барбыттара. Биһиги эйэлээх олоххо олорорбут туһугар хорсуннук сэриилэспиттэрэ, дойдуларын чиэстээхтик көмүскээбиттэрэ. Ким эрэ төннүбүтэ, ким эрэ сураҕа суох сүппүтэ. Мин а5ам аҕатын аҕата, ол эбэтэр хос эһэм Парников Карл Карлович 1910 сыллаахха төрөөбүтэ. Бииргэ төрөөбүт 3 этилэр: кини ыал улахан оҕото эбит, онтон быраата, балта. Онтон 1941 сыллаахха хос эһэм Парников Карл сэриигэ барарыгар хос эбэм 2 оҕолоох уонна үһүс о5отун оҕолоноору хаалбыт. Хос эһэм 1941 сыллаахха бастакы хомуурга барбыт. Бастаан Иркутскай куоракка кавалерийскай куурустарга үөрэммит, онтон Ленинградскай фроӊӊа тиийбит. Кэлин 3-с Белорусскай фроӊӊа сэриилэспит. Ол сылдьан Кенинсберг, Прага куораттары босхолуурга кыттыбыт. Онтон Берлиӊӊа тиийбит уонна кыайыы параадыгар кыттыбыт. Сэриигэ хаста да бааһырыы ылбыт: өттүгүн уӊуоҕун оскуолкаҕа үлтү тэптэрэн уӊа атаҕа арыый кылгас буолбут, эбиитин өссө контузияламмыт. Хос эһэм сэрииттэн күһүн 1945 сыллаахха төннөн кэлбит. Хорсунун иһин элбэх мэтээллээх, орденнаах эбит. Сэрии кэнниттэн хос эһэм эбэбинээн колхозтарга үлэлээбит. Сайынын от оҕустарар, кыһынын Ааллаах үүӊӊэ таһаҕас таһарга сылдьыбыт. Ол сылларга бастыӊ от оҕустарааччы аатын ылан „Кыым“ хаһыакка тахсыбыт. Кэнники сылларга тутууга улэлээбит. Ол саҕана саӊа начаалынай оскуоланы, спортсаалатын уонна элбэх олорор дьиэлэрин тутуспут. Баайбыт аттара республика рекордсменнара буолбутара диэн эһэм П кэпсиирэ. Кэнники мин эһэм аҕатын туйаҕын хатаран сылгыһытынан өр сылларга үлэлээбитэ. Мин хос эһэм Иннокентий Петрович Наахара нэһилиэгэ сайдарыгар элбэх өӊөлөөх киһи эбит дии саныыбын. Хос эһэм сүрдээх элэккэй, сымнаҕас майгылаах киһи эбитэ үһү. Улэтигэр эппиэтинэстээхтик сыһыаннаһара дииллэр абаҕаларым. Мин хос эһэм аатын ааттатар, олоҕун салгыыр 19 сиэннээх, 24 хос сиэннээх. Мин ийэм Мин хос эһэм туһунан элбэҕи билиэхпин баҕарабын. Сыл ахсын сэрии уонна тыыл бэтэрээннэрэ а5ыйыы тураллар. Ол да буоллар биһиги кыайыыны уһансыбыт дьоннорбутун умнуо суохтаахпыт, кинилэр ааттарынан киэн туттуохтаахпыт! Суох буоллун сэрии, суох буоллун өлүү, туругурдун эйэ уонна дьол!