Кэпсиирэ көстүүтэ (тыл)

Аат саҥа чаастара кэпсиирэ буолууларын көрдөрөр аналлаах халыыбы кэпсиирэ көстүүтэ дииллэр. Бу халыып аат үһүс сирэй суолталаах олоҕуттан үөскүүр. Атыннык эттэххэ, ааттар төрүт олохторо барамайы ааттыыр эрэ буолбатахтар, барамай ким? туох? хайдах? хаһыс? Буоларын туоһулаан кэпсиир ис хоһооннууллар. Холобур, учуутал – барамай учуутал буоларын этэр, кэпсиир, быһаарар; үчүгэй – барамай хайдаҕын чопчулуур; иккис – барамай хаһыс буоларын көрдөр.

Бастакы уонна иккис сирэйдэргэ барамай, хаачыстыба, ахсаан кэпсиирэ оруолламмытын көрдөрөр сирэй сыһыарыытын ылынар. Холобур, учуутал+бын, учуутал+гын; үчүгэй+бин, үчүгэйгин+гин.