Ларионова Анна Семеновна

Ларионова Анна Семеновна — искусствоведение доктора.

Олоҕун олуктара

1955 сыллаахха бэс ыйын 2 күнүгэр Дьокуускайга төрөөбүтэ.
1976 с. — Дьокуускайдааҕы музыка училищетын бүтэрбитэ.
1983 с. — М.И. Глинка аатынан Новосибирскайдааҕы государственнай консерваторияны бүтэрбитэ.
1981—1986 сс. — Дьокуускайдааҕы музыка училищетыгар теория дисциплиналарыгар преподаватель, Саха музыкатын түмсүүтүгэр - консультант.
1987—1990 сс. - Саха АССР Гостелерадиотын старшай редактора.
1991 с. — Саха АССР культуратын министерствотын иһинэн культура уонна искусство Киинин главнай үлэһитэ.
1991—2005 сс. — гуманитарнай чинчийии Институтын олоҥхо салаатыгар младшай, старшай научнай үлэһит.
1996 с. — искусствоведение кандидатыгар «Жанрово-тематическая классификация песен стиля „дэгэрэн ырыа“» тиэмэҕэ диссертациятын ситиһиилээхтик көмүскээбитэ.
2005 с. — искусствоведение докторыгар «Проблемы взаимодействия музыки и слова в якутском дьиэрэтии ырыа» тиэмэҕэ диссертациятын ситиһиилээхтик көмүскээбитэ.
2005 сылтан — РНА СС гуманитарнай чинчийии уонна аҕыйах ахсааннаах омуктар кыһалҕаларын үөрэтэр Институт ведущай научнай үлэһитэ, саха фольклорун салаатын сэбиэдиссэйэ.

А.С. Ларионова Саха музыкаҕа культурата сайдарыгар улахан өҥөлөөх: 1986 сыллаахха кини көҕүлээһининэн оҕо филармонията аһыллан, хас да сыл үлэлээбитэ. Россия литературатын уонна искусствотын күннэрэ Саха сиригэр ыытыллар кэмнэригэр көхтөөхтүк кыттыбыта. А.С. Ларионова 50-ча научнай үлэ ааптара.

А.С. ЛАРИОНОВА туһунан

Российские фольклористы. Справочник. - М., 1994. - С.73-74, 162.
Взаимодействие культур народов Якутии в XVII-XXI вв. (Тезисы, доклады, выступления республиканской научно-практической конференции). - Якутск: РНМЦ НТ и СКД им. А.Е.Кулаковского. Заочный Центр культурологического образования МК и ДР РС(Я), 2003. - С. 127.
Традиционная культура коренных народов. //Традиционная музыкальная культура народов Сибири. - Т. 1. - Кн. 1. - Новосибирск, 1997. - С.405.// Музыкальная культура Сибири: в 3 т.

Сигэлэр

[https://web.archive.org/web/20160304082135/http://igi.ysn.ru/spravochnik.pdf Архыыптаммыт 2016, Кулун тутар 4 күнүгэр. Биобиблиографический справочник]
Институт гуманитарных исследований и проблем малочисленных народов Севера Архыыптаммыт 2016, Муус устар 13 күнүгэр.