Лукина Роза Николаевна (12.01.1946–18.02.2020).

Эдэр сааһа уларыт

1946 сыллаахха тохсунньу 12 күнүгэр Сунтаарга төрөөбүтэ. Ийэтэ Татьяна Ивановна Лазарева тыа хаһаайыстыбатын үлэһитэ, ыанньыксыт этэ. Түөрт кыыс оҕо соҕотох ийэҕэ улааппыттара. 1953 сыллаахха Сунтаарга «О» кылааска үөрэнэ киирбит, аҕыс кылааһынан бүтэрэн баран, Уссурийскай куоракка үүт маастарын үөрэҕин бүтэрбит, 1964 сыллаахха Нөмүгү нэһилиэгэр үүт собуотугар маастарынан үлэтин саҕалаабыт.

Дьиэ кэргэнэ уларыт

Кэргэнин - Эдуард Константинович Лукины, 1964 сыллаахха С.С.Шадрин туту биригээдэтигэр үлэлии сырыттаҕына көрсөр. Булгунньахтаах нэһилиэгиттэн Нөмүгүгэ көһөн кэлэллэр уонна 1965 сыллаахха ыал буолаллар. Алта оҕону төрөтөн, иитэн-такайан, атахтарыгар туруортаан дьон оҥорбуттара.

Үлэтэ, дьарыга уларыт

ОПХ (опытно-производственное хозяйство) собуотугар 35 сыл үлэлээн «Үлэ бэтэрээнэ» буолбута. Бочуоттааз сынньаныытыгар баран элбэҕинэн дьарыгырбыта – урбаанньыт буолбута, элбэх оҕолоох ийэлэр кулуубтарыгар сылдьара, Нөмүгү тыйаатырыгар «Тирэх» диэн ансаамбылга киирэн сири-дойдуну кэрийбитэ.

Кини оҥорбут быырпаҕын испэтэх киһи диэн суоҕа буолуо, ыһыах саҕаланна да быырпахха элбэх сакаас киирээччи. Дьүөгэлэрэ «Ыалдьыттыы кэлэн баран эбии илии тутуурдаах, өттүк харалаах барар этибит» диэн ахтан саныыллар.

Литература уларыт

Н.Н.Васильев Умнуллубат 25 сыл: Нөмүгү нэһилиэгин бэтэрээннэрин "Тирэх" ансаамбыла - Дьокуускай: Дани-Алмас, 2021, 212 с.