Магадаан (сахалыы Маҕадаан, Maҕadaan) — куорат, Арассыыйа хотугу-илин өттүгэр баар Магадаан уобалаһын киинэ. Олохтоохторун ахсаана — 95,9 тыһыынча киһи (2010)[1].

Устуоруйата уларыт

1928 сыллаахха алтынньы 13 күнугэр Ола оройуоннааҕы исполкома Илиҥҥи Эбээн (Нагаевтааҕы) культбааза тутар туһунан быһаарыныы ылыммыта, 1929 сыллаахха бэс ыйын 22 күнүгэр олорор дьиэлэри, оскуола, бэтэринээр пууна, балыыһа уонна интэринээт дьиэлэрин тутуу саҕаламмыта[2].

1930—1934 сс. Охуоскайдааҕы Эбээн национальнай уокуругун киинэ этэ. 1939 сыллаахха от ыйын 14 күнүгэр бөһүөлэк куорат буолбута[3], 1954 сыллаахтан — Магадаан уобалаһын киин куората буолбута.

Куорат устуоруйатын кытта ыкса ситимнээх Дальстрой судаарыстыбаннай трест 1931 сыллаахха сэтинньигэ үлэтин саҕалаабыта. Кини соруга промышленнай уонна суол тутуутун Халыма өрүс үөһээ тардыыдын сирдэригэр сүрүннээһин этэ. Бу трест 1938 с. НКВД Уһук Хоту тутууга управлениета диэн ааттаммыта[4]. Сүрүн соруга Охуоскай муора кытылыттан көмүстээх сирдэргэ суол тутуу этэ.

Быһаарыылар уларыт