Майкоп

Майко́п (адыг. Мыекъуапэ (мые — дьаабылыка, къуапэ — хочо, туруору тылбааһа — дьаабылыкалаах хочо)) — Адыгея Өрөспүүбүлүкэтин киин куората.

Географията уонна килиимэтэ

Белая өрүскэ (Кубань өрүс салаата) уҥа кытылыгар турар. Сымнаҕас килиимэттээх. 2010 сыллаахха олунньу 15 күнүгэр термометр кыһыҥҥы ыйдарга абсолютнай максимуму көрдөрбүт — плюс 23,4 °С.

Устуоруйата

Майкоп былаана. 1902.

Билиҥҥи Майкоп 1857 ыам ыйын 25 күнүгэр нуучча байыаннай кириэппэһин быһыытынан абадзехтэр (арҕаа чэркиэстэр) сирдэригэр олохтоммут. Олохтообут киһинэн генерал Козловскай ааҕыллар.

1870-71 сс. бөҕөргөтүллүбүт штаб-квартира уезднай куорат буолар — Кубань уобалаһын Майкоп уеһын киинэ. 1909 сыл балаҕан ыйыгар Майкоп аттыгар ньиэби булбуттар.

1922 сыл от ыйын 27 күнүгэр ВЦИК президиумун уурааҕынан Краснодаарга кииннээх Чэркиэс (Адыгея) автономиялаах уобалаһа баар буолбута. 1936 сыллаахха Адыгея автономиялаах уобалаһын киининэн Майкоп буолбута.

1938 сыллаахха майкоп ньиэбин Туапсе куоракка хачайдыыр буолбуттара (онно ньиэби таҥастыыр собуот уонна муора порда бааллар).