Мигалкин Иван Васильевич

Мигалкин Иван Васильевич — поэт, тылбаасчыт, оҕо суруйааччыта, публицист, Саха Сирин суруйааччыларын Түмсүүтүн бэрэссэдээтэлэ. Саха Өрөспүүбүлүкэтин норуодунай поэта (2014).

Бикипиэдьийэҕэ маннык араспаанньалаах дьон туһунан ыстатыйалар бааллар, көр Мигалкин.

Олоҕун олуктара

1954 сыллаахха бэс ыйын 23 Уус-Алдан улууһун Хоро нэһилиэгэр учуутал дьиэ кэргэҥҥэ төрөөбүтэ.
1973 с. — Бүлүү педучилищетын үөрэнэн бүтэрбитэ. Бүтэрээт, Горькай аатынан Литературнай институтка киирбитэ. Егор Исаев, Сергей Смирнов, Николай Старшинов семинардарыгар үөрэммитэ. Поэзия салаатын бүтэрбит.
1977—1980 сс. — Аармыйа кэккэтигэр сулууспалаабыт.

Үлэлээбит сирдэрэ

Мүрү орто оскуолата, саха тылын уонна литературатын учуутала

«Эдэр коммунист» хаһыат, корреспондент

«Кыым» хаһыат, корреспондент

«Ленинскэй тэрийээччи» хаһыат, корреспондент

Муома улууһун Соболоох интерната, сэбиэдиссэй

Дьокуускайдааҕы кинигэ кыһата, редактор

«Борогон-ТВ» телестудия, главнай редактор, директор

«Якутоптторг» ААО, генеральнай директор көмөлөһөөччүтэ

2011 сыл ахсынньы 17 күнүттэн — Саха Өрөспүүбүлүкэтин суруйааччыларын Түмсүүлэрин бэрэссэдээтэлэ^[1].

1993 сыллаахха кэргэнин З. В. Мигалкинаны кытта В. А. Протодьяконов-Кулантай аатынан Уран түмэли тэрийбит.

2024 сыл ыам ыйын 24 күнүгэр ыарахан ыарыыттан өлбүт.

Айар үлэтэ

Бастакы кинигэтэ «Ньургуһуннаах сурук» 1976 сыллаахха тахсыбыта. Кэргэнэ Зоя Васильевнаны кытта суруйааччы В. А. Протодьяконов — Кулантай аатынан Литература түмэлин тэрийэн үлэлэтэллэр.
Тылбаасчыт. Нуучча уонна омук литературатын айымньыларын сахалыы тылбаастаабыта.
30-н тахса кинигэни суруйан бэчээттэппитэ.

Наҕараадалара уонна ытык ааттара

Саха Өрөспүүбүлүкэтин норуодунай поэта (2014)^[2]^[3]
Саха Өрөспүүбүлүкэтин үөрэҕириитин туйгуна
Саха Өрөспүүбүлүкэтин культуратын үтүөлээх үлэһитэ
Н. Е. Мординов — Амма Аччыгыйа аатынан Саха Өрөспүүбүлүкэтин Президенын оҕо литературатын уобалаһыгар бириэмийэтин лауреата
Уус-Алдан улууһун ытык киһитэ
Есенин кыһыл көмүс мэтээлэ (Арассыыйа суруйааччыларын Сойууһун наҕараадата)
Н. Гумилев Улахан үрүҥ көмүс мэтээлэ.

Библиография

Ньургуһуннаах сурук. Хоhооннор. — Дь., 1976.
Стремление. Стихи. — М., 1984.
Сардааналаах кыысчаан. Кэпсээннэр. — Дь., 1985.
Сүрэҕим кистэлэ. Хоhооннор. — Дь., 1992.
Кустуктар куустуннар алааспын. Хоhооннор. — Дь., 1994.
Куобах түүтэ — ньургуһуннар. Кэпсээннэр. — Дь., 1995.
Ытаабыта ийэ сүрэҕэ… — Дь.: Сайдам. 2011. — 112 с.
Үөрүүбүн тэҥинэн үллэстэбин. Хоһооннор. — Дь.: «Бичик», 2012 —190 [1] с. — ISBN 978-5-7696-3841-1

Быһаарыылар

Ылыллыбыт сирэ

50 лет со дня рождения Архыыптаммыт 2006, Ыам ыйын 17 күнүгэр.
С. Ефремова, В. Степанова. Бэйиэт 55 сааһыгар // Кыым : хаһыат. — 2009, бэс ыйын 25 к..

Сигэлэр

Союз писателей РС(Я) возглавил поэт Иван Мигалкин. SakhaNews. 18.12.2011. Тургутулунна 20 Бэс ыйын 2014.

[1] SakhaNews 18.12.2011:Союз писателей РС(Я) возглавил поэт Иван Мигалкин

[2] Саха Өрөспүүбүлүкэтин Баһылыгын э. т. Е. Борисов 17.06.2014 2727 №-дээх Ыйааҕа

[3] Указ Главы Республики Саха (Якутия) от 17 июня 2014 года № 2727

[1]

[2]

[3]