Миронов Алексей Афанасьевич
Миронов Алексей Афанасьевич (11.04.1912, Кэнтик нэһилиэгэ, Үөһээ Бүлүү улууһа, Саха уобалаһа — 30.03.1945, Венгрия) — Аҕа дойду Улуу сэриитин кыттыылааҕа, Сэбиэскэй Сойуус Геройа (1990).
| Алексей Афанасьевич Миронов | |||||||
 | |||||||
| Төрөөбүт күнэ | |||||||
|---|---|---|---|---|---|---|---|
| Төрөөбүт сирэ | |||||||
| Өлбүт күнэ |
30 кулун тутар 1945 (32 сааһыгар) | ||||||
| Өлбүт сирэ | |||||||
| Сулууспалаабыт дойдута | |||||||
| Сулууспалаабыт сыллара |
1941—1945 | ||||||
| Солото |
Гвардия старшай сержана  | ||||||
| Чааһа |
1291-с СП, 110-с СД; | ||||||
| Кыргыһыылар/сэриилэр | |||||||
| Наҕараадалара |
| ||||||
Олоҕун олуктара
уларыт1912 сыллаахха Үөһээ Бүлүү улууһугар Кэнтик нэһилиэгэр төрөөбүт.
Сэттэ кылаастаах оскуоланы бүтэрэн, 1929 с. нэһилиэк Сэбиэтин сэкиритээринэн, Сэбиэт бэрэссэдээтэлинэн, сэриигэ барыар дылы оройуон статистикатын учаастактааҕы инспекторынан үлэлээбит.
Аҕа дойду Улуу сэриитигэр
уларытАармыйаҕа 1941 с. балаҕан ыйыгар Бүлүү оройуонун военкоматынан ыҥырыллыбыт. 2-с Украинскай фронт 84-с стрелковай дивизиятын 1291-с стрелковай полкатын снайпера, гвардия сержана. Игумново, Рожково, Степаники, Холм куораттар аттыларынааҕы кыргыһыыларга кыттыбыт.
1943 сыл кулун тутарыгар Ермолинка дэриэбинэ аттынааҕы кыргыһыыга 15 өстөөҕү кыдыйбыт. 1943 с. бэс ыйыгар гвардия сержана Миронов бойобуой ахсааныгар 123 өстөөх суруллубут, полк байыастарыттан 13 бэргэн ытааччыны бэлэмнээбит. 1943 с. бэс ыйын 26 күнүгэр 247-с ГСП хамандыыра Василенко Сэбиэскэй Сойуус Геройун аатыгар түһэрбит. Аармыйа байыаннай Сүбэтэ «Аҕа дойду сэриитин I ст. уордьанынан наҕараадалыырга» диэн түмүктээбит.[1]
Гвардия старшай сержана Алексей Миронов 1945 сыллаахха кулун тутар 28 күнүгэр Венгрия сиригэр сэрии хонуутугар бааһырыыны ылан, кулун тутар 30 күнүгэр 758-с МСБ өлбүт. Венгрия Ваш уобалаһын Немешкерестур (мадь. Nemeskeresztúr) нэһилиэнньэлээх пуунун кылабыыһатыгар[2] кулун тутар 30 күнүгэр көмүллүбүт.[3][4]
1990 сыллаахха ыам ыйын 5 күнүгэр Алексей Мироновка ССРС Геройун аата иҥэриллибитэ (өлбүтүн кэннэ). Ленин уордьана уонна 11619 №-дээх «Кыһыл Сулус» мэтээл Герой аймахтарыгар туттарыллыбыт.[5]
Наҕараадалара уонна ытык ааттара
уларыт- «Кыһыл көмүс Сулус» мэтээл (05.05.1990)
- Ленин уордьана (05.05.1990)
- Аҕа дойду сэриитин I ст. уордьана (30.06.1943; Сэбиэскэй Сойуус Геройун аатыгар түһэриллибит)[1]
- Кыһыл Сулус уордьана (23.01.1943)[6]
- «Хорсунун иһин» мэтээл
- «Бойобуой өҥөлөрүн иһин» мэтээл (22.05.1942)[7]
- Бүлүү улууһун ытык киһитэ[8]
Үйэлээх аата
уларыт- А. А. Миронов аата Мастаах орто оскуолатыгар иҥэриллибит.
- Герой аатынан Бүлүү куоратын уулуссата ааттаммыт.
- Балаҕаччыга бүүһэ туруоруллубут.
- Кыайыы 60 сылыгар, Дьокуускай куорат Новопортовскай оройуонун биир уулуссатыгар Герой аата иҥэриллибит (2005).
- 2009 сыллаахха Бүлүү куорат олохтоохторо биир дойдулаахтарын кэриэстээн, Сэбиэскэй Сойуус үс Геройугар: Н. А. Кондаковка, А. А. Мироновка, Н. С. Степановка, өйдөбүнньүк туруорбуттар.
Быһаарыылар
уларыт- ↑ 1,0 1,1 Наградные документы в электронном банке документов «Подвиг Народа»
- ↑ Информация в электронном банке документов ОБД «Мемориал»
- ↑ Информация в электронном банке документов ОБД «Мемориал»
- ↑ Информация в электронном банке документов ОБД «Мемориал»
- ↑ Герои страны: Миронов Алексей Афанасьевич
- ↑ Наградные документы в электронном банке документов «Подвиг Народа»
- ↑ Наградные документы в электронном банке документов «Подвиг Народа»
- ↑ Официальный информационный портал Республики Саха (Якутия): Почетные граждане Вилюйского улуса
Литература
уларытСаха саарыннара / Л. Г. Николаев, А. Г. Николаев, Ф. Э. Данилов. — Дь.: Кудук, 1998. — ISBN 5-7863-0122-2
Сигэлэр
уларыт
Миронов Алексей Афанасьевич. Cитим-сир «Герои Страны».