Московская Александра Александровна

Александра Александровна Московская — нуучча экэнэмииһэ, Түмэт урбаан уонна түмэт инновация киинин дириэктэрэ, Экэниэмикэ үрдүкү оскуолатын Менеджмеҥҥэ факультетын Киһи ресурсатын управлениетын хаапыдыратын дассыана. Арассыыйаҕа биир бастакынан түмэт урбаанын туһунан билим үлэтин суруйбута, дириҥник ырытан чинчийбитэ.


Биографията уларыт

Александра Московская 1988 сыллаахха М.В. Ломоносов аатынан Москубатааҕы судаарыстыбаннай үнүбэрсиэт Экэниэмикэҕэ факульетын «политическай экэниэмийэ» идэлээх бүтэрбитэ.

1994 с. Нуучча билимҥэ акадьыамыйатын Экэниэмикэҕэ үнүстүүтүгэр «Экономика и культура: содержание и механизмы взаимодействия» диэн тиэмэҕэ билим хандьыдаатын истиэпэнин көмсүскээбитэ.

2006 с. «Диалог» IREX бырагыраама көмөтүнэн социальнай өҥөнү оҥорор кэмиэрчэскэйэ суох тэрилтэлэр хардарыта үлэлэригэр анаан SocPolitika.ru диэн информационнай порталы төрүттээбитэ. Кэлин бу порталтан силис тардан Экэниэмикэ үрдүкү оскуолатын иһинэн Түмэт урбаан уонна түмэт инновация киинэ арыллыбыта. Бу киини Александра Московская бэйэтэ салайбыта. Кини сайын аайы Экэниэмикэ үрдүкү оскуолатын иһинэн сайыҥҥы анал лааҕыры тэрийэн түмэт урбааҥҥа аналлаах куурустары үөрэтэр.


Түмэт урбаанын үөрэтии.


2011 сыллаахха А.Московская эрэдээксийэтинэн нууччалыы тыланан аан бастаан түмэт урбааҥҥа анаммыт «Социальное предпринимательство в России и в мире: практика и исследования» диэн монография бэчээттэнэн тахсыбыта.

Александра Московская санаатыгар, түмэт урбаан, бастатан туран, үбү-харчыны эккирэппэт, кини түмэт кыһалҕатын быһаарарга туһуланар.