Мэлдьэхси нэһилиэгэ (Мэҥэ-Хаҥалас улууһа)

Мэлдьэхси нэһилиэк. Мэҥэ-Хаҥалас улууһун нэһилиэгэ, киинэ Суола.

Майаттан 28 км хоту диэкки сытар.

Нэһилиэнньэтин ахсаана — 515 киһи (2007 сыл).

Мэлдьэхси - Мэҥэ улууһун биир улахан ууһа, билигин нэһилиэгэ. Болотой Орхонтон Мэҥнээх Мэлдьэхси төрөөбүтэ үһү диэн кэпсэнэр. Онтон тэнийэн-ууһаан Суола үрэх тардыытынан, Эһэлээх арыынан, билиҥҥи Тулагы-Киллэм сирдэринэн тарҕаан олордохторуна, 1710 сыллаах сири үллэриигэ I Мэлдьэхси (билиҥҥи Мэҥэ-Хаҥалас улууһун Мэлдьэхси, Хорообут, Дьаҥхаады нэһилиэктэрэ), II Мэлдьэхси (билиҥҥи Чурапчы улууһун нэһилиэгэ), III Мэлдьэхси (билиҥҥи Мэҥэ-Хаҥалас Томторо) диэннэргэ араараллар. Онон Мэҥэ улууһун биир бөдөҥ, күүстээх аҕа ууһа бытарыйар.

Нэһилиэктэн төрүттээхтэр

Романов Петр Петрович (1902—01.05.1952) — сахалартан бастакы идэтийбит худуоһунньук, Саха АССР норуодунай худуоһунньуга, Чурапчы оройуонугар киирсэр II Мэлдьэхси.

Шергин Роман Иосифович (1917 — ) — капитан, летчик-штурман, Иккис Аан Дойду сэриитин кыттыылааҕа.

Посельская Аксения Васильевна (24.12.1924—1983) — саха бастакы балерината, Чурапчы оройуонугар киирсэр II Мэлдьэхси.

Корякин Иннокентий Дмитриевич (1931 с. ыам ыйын 1 к. төр.) — саха живописеһа, Чурапчы оройуонугар киирсэр II Мэлдьэхси.

Апросимов Василий Васильевич (13.12.1952—2007) — Саха Өрөспүүбүлүкжтин үтүөлээх артыыһа.

Сигэлэр

• Официальный информационный портал Республики Саха (Якутия):Мегино-Кангаласский улус Архыыптаммыт 2013, Атырдьах ыйын 20 күнүгэр.
• Саха Сирин нэһилиэктэрэ:Мэҥэ-Хаҥалас улууһа Архыыптаммыт 2016, Кулун тутар 5 күнүгэр.
• gosspravka.ru:Мегино-Кангаласский улус
• «Якутская АССР», словарь-справочник. — Якутск, 1980.