Романов Петр Петрович

Романов Петр Петрович (1902—01.05.1952) — сахалартан бастакы идэтийбит худуоһунньук, Саха АССР норуодунай худуоһунньуга.

Олоҕун олуктараПравить

  • 1902 с. ыам ыйыгар Мэҥэ улууһун Иккис Мэлдьэхси нэһилиэгэр төрөөбүтэ.
  • 1927 с. Москубатааҕы ускуустуба рабфагын бүтэрбит.
  • Онтон 1934 с. Москубатааҕы ойуулуур искусство институтун литография салаатын бүтэрбит. Онно аатырбыт Д. С. Моор уонна А. А. Дейнека диэн худуоһунньуктарга үөрэммитэ.
  • 1938—1939 сылларга Москубаҕа квалификациятын үрдэтиммитэ.
  • 1952 сыл ыам ыйын 1 күнүгэр Дьокуускайга өлбүтэ.

Айар үлэтэПравить

Араас жанрдарга бэйэтин боруобалаабыта: политическай плакатка, карикатураҕа, кинигэ ойуулааһыныгар, тыйаатыр декорациятын исскуствотыгар, сэлии муоһуттан оҥоһуктарга. Живописька «Колхуос ыһыаҕа» диэн бастакы жанровай хартыынаны 1937 с. суруйбутунан биллэр. «Боотур сүгүннэрбит кыыһын кытары» (1938) хартыыната саха искусствотын көмүс фондатыгар киирэр. 1943 с. «Баланов лейтенант» хартыынаны суруйар. Саха историятыгар аналлаах хартыыналардаах.

Наҕараадалара уонна ытык ааттараПравить

  • Саха АССР норуодунай худуоһунньуга
  • «За доблестный труд в Великой Отечественной войне» мэтээл (1945)
  • Саха комсомолун бириэмийэтин лауреата (өлбүтүн кэннэ, 1967)

Аатын үйэтитииПравить

1995 сылтан кини аатын Дьокуускайдааҕы художественнай училище сүгэр[1]

Өссө маны көрПравить

Саха норуодунай худуоһунньуктарын тиһигэ

БыһаарыыларПравить

СигэлэрПравить