Мягков Николай Иванович

Мягков Николай Иванович — Псков губерния, Порхов уеһыттан төрүттээх дворянин, муора аппыһыара. Саха тойотторун кытта өйдөһөн күүскэ үлэлээбит, Саха сирин сайдыытыгар сүдү кылааты киллэрбит Саха уобалаһын начаалынньыга. Дуоһунаска 1826 сыллаахтан 1831 сыл ахсынньы 11 күнүгэр диэри олорбут. Петербуурга көспүт, онно 1848 сыллаахха өлбүт.

Олоҕун олуктараУларыт

Псков губерния, Порхов уеһыттан төрүттээх дворянин.

1799 cыллаахха Морской кадетскай корпуска гардемаринынан киирбит.

1801 сыллаахха үөрэҕин бүтэрэн мичман аатын сүкпүт, саҥа ыраахтааҕыга - Александр I андаҕар эппит. Балтика муоратыгар "Гавриил" уо д.а. хараабылларынан устубут.

1803 с. тохсунньу 30 күнүгэр байыаннай сулууспаттан бэйэ баҕатынан барар, статскай чиҥҥа көһөттөрөр.

1803 с. ыам ыйын 27 күнүгэр кэнсилээрийэ үлэһитинэн Сенат 2-с департаменыгар үлэҕэ киирэр.

1804 с. балаҕан ыйын 20 күнүгэр аҕыйах кэмҥэ тэриллибит Сенат казеннай департаменыгар үлэҕэ киирэр.

1805-1825 сс. Адмиралтействоҕа үлэлиир.

1825 с. ахсынньы 27 күнүгэр Николай I ыраахтааҕы ыйааҕынан Саха уобалаһыгар начаалынньыгынан ананар.

1826 сыл бэс ыйын 5 күнүгэр Дьокуускайга кэлбит, бэйэтин тула саҥа чинобунньуктары муспут - А.Я. Уваровскайы уонна Ф.П. Булатовы. Саха тойотторун И.Е. Мигалкины, Г.И. Старостины уонна Н.О. Рыкуновы кытары ыкса үлэлээбит.

1827 сыл кулун тутар 11 күнүгэр Саха Степной думатын арыттарбыт.

1831 сыл ахсынньы 11 күнүгэр уурайан Петербуурга көспүт.

1848 сыл cэтинньи 27 күнүгэр өлбүт, Санкт-Петербурга Митрофаньевскай кылабыыһаҕа көмүллүбүт

СуолтатаУларыт

Кэлээт да уоруйах чунуобуньуктары уодьуганнаабыта. Бу салайааччы атын салайааччылартан ойуччу турар, саха тойотторун кытта өйдөһөн күүскэ үлэлээбитэ, Саха сирин сайдыытыгар сүдү кылааты киллэрбит киһиннэн ааҕыллар. Сибиир генерал-губернатора Михаил Сперанскай ыраахтааҕыттан көрдөһөн, анаан-минээн муораҕа сыһыаннаах киһини анаттарбыта — ол саҕана Саха сиригэр киирэр Чуумпу далайга турар Охуоскай пуорт сайдыытыгар Арассыыйаҕа улахан суолтаны биэрэллэрэ. Афанасий Убаарыскай "Ахтыыларыгар" кини туһунан маннык суруйар: Кини салайбыт сылларын саха дьолунан ааҕар.