Никифоров Василий Игнатьевич

Никифоров Василий Игнатьевич (1816-1869) — Дүпсүн улууһун ыстаарыһата, Күлүмнүүр аҕата.

1816 сыллаахха Арҕаа Хаҥалас улууһун Нөмүгү нэһилиэгэр төрөөбүт.

1833 сыллаахха атырдьах ыйын 10 күнүгэр Саха сиринээҕи уезд училищетын 1 кылааһыгар киирбит. 1836 сыллаахха училище үс кылааһын бүтэрбит. 1844 сыллаахха Дүпсүн быраабатын суруксутунан ананан Нөмүгүттэн Дүпсүн улууһун Тэбиик нэһилиэгэр көспүт. 1846 сыллаахха Дүпсүн улууһуттан төрүттээх Елена Федоровна диэн дьахтары кытта бэргэһэлэммиттэр. 1862 сыллаахха атырдьах ыйын 26 күнүгэр бэйэтин дьиэ кэргэнинээн Тэбиик нэһилиэгэр суруйар туһунан көрдөһүү киллэрбит. Ол сыл Дүпсүн улууһун ыстаарыһата буолбут.

1866 сыллаахха ыам ыйын 6 күнүгэр (саҥа истиилинэн ыам ыйын 18 күнүгэр) кыра уоллара Баһылай (кэлин Күлүмнүүр дин аатынан биллибитэ) төрөөбүт.

Василий Игнатьевич 1869 сыллаахха тохсунньу 27 күнүгэр 47 сааһыгар өлбүт. Дүпсүн Троицкай сыаркабын тиэргэнигэр көмүллүбүт.