Овчинников Степан Степанович
Овчинников Степан Степанович(1947—1993) — «Кыым» хаһыат Саха сирин арҕаа өттүгэр собкора.
1947 сыл атырдьах ыйын 31 күнүгэр Садын оройуонун Туой Хайа сэлиэнньэтигэр төрөөбүт. Орто оскуоланы Нам оройуонун Нам бөһүөлэгэр 1966 сыллаахха бүтэрбит, 1966 сылтан 1968 сылга диэри аармыйаҕа сулууспалаабыт. Онтон Намҥа оробуочайдаабыт, болуотунньуктаабыт. 1972-75 сс. хомсомуолга тэрийэр отдел сэбиэдиссэйинэн 3 сыл үлэлээбит. 1970 сылтан 6 сыл "Ленин суола" хаһыакка фотокорунан, лит үлэһитинэн, онтон сурук отделын сэбиэдиссэйинэн үлэлээбит. 1973 сыллаахтан үөрэнэн 1979 сыллаахха история-филология факультетын бүтэрбит, саха тылын уонна литэрэтиирэтин учууталын идэтин ылбыт. 1975-78 сс. Хаһааччыйаҕа саха тылын учууталынан үлэлээбит. Эдьигээҥҥэ култуура отделын методиһынан, типография сэбиэдиссэйинэн үлэлээбит. 1984-88 сылларга Мииринэйгэ саха тылын учууталынан үлэлээбит.
1988 сыллаахтан өлүөр диэри Кыымҥа кэрэспэдьиэннээбит.
1993 сыллаахха олунньу 24 күнүгэр Мииринэй куоракка өлбүт[1].
Кэргэнэ Овчинникова (Иевлева) Светлана Иннокентьевна.
- ↑ Кыым хаһыат эрэдээксийэтин 52 № бирикээһэ, 1993.03.15