Олох килиэбэ
Олох килиэбэ (пол. Chleb Życia) — Польша үтүөнү оҥорор тэрилтэ.
Тэрилтэ сүрүн соруктара дьэллик дьоҥҥо үлэнэн уонна дьиэнэн хааччыйыы, ону таһынан дьэллик буоларга күһэйэр сылтахтарга дьон болҕомтотун тардыы. Бастаан тэрилтэ сүрүннээн дьахталларга эрэ көмөлөһөр этэ[1], ол гынан баран кэлин барыларга көмөлөһөр буолбуттара[2].
Тэрилтэ Польшаҕа сайдыбытын кэннэ, Хмелевска ыаллыы дойдуларга да үлэни саҕалаабыта (холобур, майгынныыр тэрилтэ Белоруссияҕа үөскээбитэ). Ону таһынан кини Украинатааҕы уонна Румыниятааҕы актыбыыстарга сүбэнэн көмөлөһөр этэ[3].
Остуоруйата
уларытТүмсүүнү 1990 сыллаахха[3] Малгоржата Хмелевска диэн дьахтар манаах тэрийбитэ[1]. 1995 сыллаахха түмсүү номнуо 4 дьиэлээх этэ. Биир дьиэҕэ быраас, медсестра уонна социальнай үлэһит күнү быһа үлэлииллэрэ уонна дьоҥҥо эминэн көмөлөһөллөрө. Иккис дьиэ хат дьахталларга уонна кыра оҕолоох дьоҥҥо анаммыта. Үһүс дьиэ сааһыттан тутулуга суох ийэлэргэ уонна оҕолорго анаммыт этэ, бу дьиэҕэ ыалынан да олоруохха сөп этэ. Саамай уһун программа төрдүс дьиэни кытта ситимнээх: бу программанан дьахталлар, ийэлэр, дьиэ кэргэннэр уонна хаамаайы эр дьон аа-дьуо бастаан бэйэлэрин онтон атын да дьиэлэри хааччыйыахтаах этилэр (холобур, бастаан аһы туора тэрилтэлэр биэрэр этилэр, онтон бу дьиэ олохтоохторо бэйэлэрэ үүннэриэхтээхтэр)[3].
Быһаарыылар
уларыт- ↑ 1,0 1,1 Московская, 2013, с. 66
- ↑ Московская, 2013, с. 66-67
- ↑ 3,0 3,1 3,2 Московская, 2013, с. 68
Кинигэлэр
уларыт- Коллектив авторов Глава 2. Опыт работы организаций социального предпринимательства в разных странах мира (11 кейсов) // Социальное предпринимательство в России и в мире. Практика и исследования / Редактор Московская А. А., рецензент Чепуренко А. Ю.. — Высшая школа экономики, 2013. — С. 66-71. — 286 с. — ISBN 5759808834