Павлов Семён Павлович
Павлов Семён Павлович — Аҕа дойду Улуу сэриитин кыттыылааҕа, разведчик.
| Семён Павлович Павлов | |||||||
| Төрөөбүт күнэ | |||||||
|---|---|---|---|---|---|---|---|
| Төрөөбүт сирэ | |||||||
| Өлбүт күнэ | |||||||
| Сулууспалаабыт дойдута | |||||||
| Сулууспалаабыт сыллара |
1942—1945? | ||||||
| Солото |
Гвардия сержана  | ||||||
| Кыргыһыылар/сэриилэр | |||||||
| Наҕараадалара |
| ||||||
Олоҕун олуктара
уларыт1923 с. Бэрдьигэстээххэ төрөөбүтэ. 1942 с. армияҕа ыҥырыллыбыта. Семён Павлов 1943 с. саҥатыттан саҕалаан сэриини 1945 с. Прага куоракка түмүктүөр диэри 22-с Фастовскай мотострелковай биригээдэ иккис батальонун бастакы ротатыгар автоматчигынан, разведчигынан сэриилэспитэ. Биэс төгүл бааһырбыта да госпиталларга эмтэнэн үтүөрэ-үтүөрэ бэйэтин чааһын булан, салгыы кыргыһыы хонуутугар төннөн испитэ.
Биригээдэ чулуу разведчига үс уордьанынан, элбэх бойобуой мэтээллэринэн наҕараадаламмыта. Бу наҕараадалар хас биирдиилэрэ хорсун буойуҥҥа ханнык сыананан тиксибиттэрин командование наҕараадалыыр лиистэриттэн көрүөххэ сөп. Холобурга маннык быһа тардыыны ааҕыаҕыҥ: «Фастов к. иһин кыргыһыыларга т. Павлов хорсун буойун буоларын көрдөрдө. Куорат анныгар өстөөх 32 саллаатын, эппсисиэрин кыдыйда, фельдфебелы билиэн ылла. Фастов-2 станция иһин охсуһууга, өстөөх тыылыгар киирэн 2 миномет расчетун, 5 фашиһы суох гынна. Ручной пулемётунан өстөөх танковай десанын, 18 саллаатын, 2 эпписиэри өлөрдө». Докумуон бу аҕыйах тылларыгар хайдахтаах геройство көрдөрүллэрий?! Соҕотох бу түбэлтэ Семён Павлович куттанары билбэт эр санаалаах герой буоларын туоһулуур.
Оттон сэрии бүтүөр диэри өссө элбэх бойобуой холобурдары көрдөрбүтэ. Аҥардас докумуоннарга киирбитинэн 130-ча фашиһы суох оҥорбута. Павлов бэйэтээтэринии, командирдар бэйэлэрэ харахтарынан көрбүттэрин эрэ билинэллэрэ, оттон разведчик түүн-күнүс сырыыларын, өстөөх тыылыгар хапсыһыыларынкомандирдар барытын ааҕар кыахтара суоҕа. «Туйгун разведчик» бэлиэлээх буойун бэйэтэ этэринэн, кини инники кирбиини баһаам элбэхтэ туораабыта. Семён Павлов — сулуһа суох герой. Кырдьаҕас буойун 2011 с. олохтон туораабыта.
Наҕараадалара
уларыт- Аҕа дойду сэриитин I ст. уордьана (06.04.1985)[1]
- Икки Кыһыл Сулус уордьана (04.12.1943 [2]; 23.01.1944[3])
- Албан аат уордьанын III ст. (31.08.1944)[4]
- Икки «Хорсунун иһин» мэтээл (07.09.1943[5]; 20.04.1944[6])
- Горнай улууһун ытык киһитэ[7]
Быһаарыылар
уларыт- ↑ Наградной лист в электронном банке документов «Подвиг Народа»
- ↑ Наградной лист в электронном банке документов «Подвиг Народа»
- ↑ Наградной лист в электронном банке документов «Подвиг Народа»
- ↑ Наградной лист в электронном банке документов «Подвиг Народа»
- ↑ Наградной лист в электронном банке документов «Подвиг Народа»
- ↑ Наградной лист в электронном банке документов «Подвиг Народа»
- ↑ Почетные граждане, известные люди района
Сигэлэр
уларыт- Киэн тутта, махтана: Горнай улууһун биллиилээх, киэн туттар дьонун, сулуу үлэһиттэрин, бастыҥ спортсменнарын туһунан билиһиннэрэр кинигэ. — Дь.: НКИК «Сахаполиграфиздат», 1996.