Ленин мэҥэтэ (Дьокуускай)

Халыып:Памятник В.И. Ленин Дьокуускайдааҕы мэҥэ тааһа — В. И. Ленин Дьокуускай куоракка баар мэҥэ тааһа. Куорат биир сүрүн өйдөбүнньүктэриттэн биирдэстэрэ. Ирбэт тоҥҥо улахан кээмэйдээх пааматынньык турар кыаҕын 10 сыллаах чинчийии кэнниттэн 1967 сыллаахха оҥоһуллубута. Эрэгийиэн суолталаах пааматынньык.

Историята уларыт

Ирбэт тоҥ институтун Хотугулуу-Илиҥҥи салаата 1956 сыл кулун тутар 2 күнүгэр тэриллибитэ. Ол салаа исписэлиистэригэр ирбэт тоҥҥо Ленин мэҥэ тааһа турар кыахтааҕын суоҕун чинчийэр сорудах бэриллибитэ. Бу иннинэ итинник улахан пааматынньыктар туруорулла иликтэрэ.

1957 сыл алтынньы 6 күнүгэр пааматынньык олуга охсуллубута - бастатан туран улахан кээмэйдээх олоҕо ууруллубута. Бу олоҕун хас да сыл устата кэтээн көрбүттэрэ, төһө бөҕөтүн, көнөтүк турарын тургуппуттара. Ол эрэ кэннэ чаҥтан кутуллубут пааматынньыгы бэйэтин уурбуттара. Ити да кэннэ кэтээн көрүү тохтооботоҕо. Ленин уунан турар илиитэ балаһыанньаны уустугурдара, ол иһин уйуктаах буоллун диэн хаҥас атаҕын иннигэр үктээн турар гына оҥорбуттара.

Мэҥэ таас В. И. Ленин 100 сааһын туолар үбүлүөйүн көрсө 1967 сыл алтынньы 25 күнүгэр үөрүүлээх быһыыга-майгыга арыллыбыта.

Пааматынньык ааптардара: скульптор — Стручков Ю. Д.; архитектордар: Миловидов Н. Н., Ожегов С.С. Бу дьон мэҥэ тааһы оҥорбуттарын иһин Саха АССР Ускуустубаларын үтүөлээх үлэһиттэрин аатыгар тиксибиттэрэ

Тас көстүүтэ уларыт

Пааматынньык холбоон 14,6 метр үрдүктээх, онтон олоҕо - 8,5 м, бэйэтэ - 6 м.

Пааматынньык бэйэтэ чаҥтан (боруонсаттан) кутуллубут, олоҕо бетон, ону кыһыл гранитынан бүрүйбүттэр.

Бу Арассыыйа географиятыгар сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп.