Пермякова Валентина Семеновна

Пермякова Валентина Семеновна — А.Г. уонна Н.К. Чиряевтар ааттарынан Дьокуускай куорат национальнай гимназиятын дириэктэрэ.

Чурапчыга 1964 сыл от ыйын 4 күнүгэр төрөөбүт. 1985 сыллаахха Магадааннааҕы государственнай педагогика институтун бүтэрбит, идэтэ: начальнай үөрэх педагогиката уонна мэтиэдикэтэ, квалификацията: начальнай кылаас учуутала. 1999 сыллаахха Сибиирдээҕи сайыннарар үөрэхтээһин институтугар Эльконин-Давыдов систиэмэтигэр идэтин үрдэтиммит. 2003 сыллаахха СГУ педагогикаҕа институтугар үөрэнэн "үөрэхтээһини салайыы" хайысхатынан менеджер квалификациятын ылбыт.

• 1985-1987 сс. — Чурапчытааҕы үөрэх управлениета, иитэр үлэҕэ инспектор.
• 1987-1995 сс. - Чурапчы орто оскуолата, начаалынай кылаас учуутала.
• 1995-1998 сс. – «Кыталык» оскуола-уһуйаан (Чурапчы), саҕалыыр сүһүөх салайааччыта. Эльконин-Давыдов систиэмэтинэн үөрэтэр учууталлар улуустааҕы мэтиэдикэҕэ холбоһуктарын салайаааччыта.
• 1998-1999 сс. – Дьокуускай №10 орто оскуолатын начаалынай кылаас учуутала.
• 1999-2002 сс. – ЯГНГ филиала ЯГСХА-ҕа аһыллыыта. Филиал салайааччыта уонна начаалынай кылаас учуутала.
• 2002-2006 сс. – «Саха-ньиэмэс оскуолата» (ЯГНГ филиала). Начальнай үөрэхтээһиҥҥэ оскуола дириэктэрин солбуйааччы. Саха гимназия сайдыытын бырагырааматын ааптарыттан биирдэстэрэ.
• 2006-2012 сс. – ЯГНГ дириэктэрин ФГОС-ка солбуйааччыта. Дьокуускай саха тылынан үөрэнэр начаалынай кылаастар уонна саха тылын үөрэтэр кылаастар учууталларын ситимин салайаааччыта.
• 2012-2015 сс. – Дьокуускайга Птицефабрика оройуонугар «Кыталык» диэн ЯГНГ филиалын арыйыы, филилал салайааччыта. ЯГНГ дириэктэрин начальнай үөрэхтээһиҥҥэ солбуйааччыта.
• 2015-2018 сс. — ЯГНГ дириэктэрин иитэр-үөрэтэр үлэҕэ солбуйааччыта. Руководитель городского сетевого взаимодействия «Ийэ эйгэ» школ г. Якутска учителей начальных классов с (родным) якутским языком обучения. (8 лет)