Петров Егор Константинович
Петров Егор Константинович - Аҕа дойду Улуу сэриитин кыттыылааҕа, Смоленскай, Киин, Волховскай, Ленинградскай фроҥҥа сэриилэспит сэбиэскэй снайпер (1943 сылтан - пулеметчик), снайпердыы сылдьан 240-ча өстөөҕү суох гыммыт (пулеметчиктаабыт кэмин аахсыбакка эрэ).
Олоҕун олуктара уларыт
Петров Егор Константинович 1907 сыллаахха Бүлүү уокуругун Сунтаар улууһун Куокуну нэһилиэгэр дьадаҥы бааһынай дьиэ кэргэҥҥэ төрөөбүт. Ликбезкэ үөрэнэн, ааҕар суруйар буолбут. Кэргэнэ Петрова Екатерина Евсеевна, 6 оҕо аҕата.
- Сэрии саҕаланаатын кытта армияҕа ыҥырыллыбыт.
- Бастаан 379 стрелковай дивизия 1257 стрелковай полкатын 2-с стрелковай ротатыгар снайперынан сылдьыбыт, онтон 327 стрелковай дивизия 1100 стрелковай полкатыгар көһөрүллүбүт.
- 1943 сыл тохсунньутуттан Петров пулеметчик буолбут. [1]
- 05.03.1943 Кыһыл сулус уордьанынан наҕараадаламмыт [2], ону таһынан араас кэмҥэ бойобуой мэтээллэринэн, Кылаабынай командующай И.В. Сталин хас даҕаны Махтал суругунан бэлиэтэммит.
- Сержант Егор Константинович 1944 сыллаахха тохсунньу 2 күнүгэр Польшаны босхолооһуҥҥа сэрии хонуутугар дьоруойдуу өлбүт. Псков уобалаһын Невельскай оройуонун Трехалево волость Светлое дэриэбинэтигэр бырааттыы уҥуохха көмүллүбүт.
- Петров снайпердаабыт кэмигэр 240 өстөөҕү өлөрбүт.
- Улуу Кыайыы үбүлүөйдээх сылларыгар Сунтаар улууһун Куокуну нэһилиэгэр Петров Егор бирииһигэр сыалы ытыыга күрэхтэһии ыытыллар.