Петров Прокопий Андреевич

Петров Прокопий Андреевич- айылҕаттан айдарыылаах, талааннаах быраас. Өрөспүүбүлүкэ доруобуйа харыстабылын эйгэтигэр ураты сатабыллаах салайааччы, тэрийээччи. Ураты бэлиэ суоллаах-иистээх биир бөдөҥ учуонай.

Олоҕун олуктара
1921 с. бэс ыйын 15 күнүгэр Үөһээ Бүлүү улууһун Кэнтик нэһилиэгэр Орто Өкөөк алааска төрөөбүтэ.
1937 с. Үөһээ Бүлүү 8 кылаастаах оскуолатын бүтэрэн Дьокуускайдааҕы фельдшерскэй-акушерскай оскуолаҕа үөрэммитэ.
1940 с. Абый оройуонун доруобуйа харыстабылын отделын сэбиэдиссэйинэн ананан үлэлээбитэ. 1943-1945 сс. Абый оройуонун Ураһалаах нэһилиэгэр фельдшерскэй пууҥҥа сэбиэдиссэйдээбитэ.
1950 с. Иркутскайдааҕы судаарыстыбаннай медицинскэй үнүстүүт лечебнэй факультетын туйгунунан үөрэнэн бүтэрбитэ. Үөрэҕин бүтэрэригэр невропатолог идэтин талбыта.
1950-1951 сс. Дьокуускай к. уобаластааҕы балыыһа неврологическай отделениятыгар ординатордаабыта.
1951-1959 сс. Бүлүү оройуонун кылаабынай бырааһынан үлэлээбитэ, Бүлүү энцефалитын чинчийэн үөрэппитэ.
1961 с. Саха судаарыстыбаннай үнүбэрсиэт медицинскэй факультетын преподавателинэн үлэлээбитэ.
1964 с. медицинскэй наука хандьыдаат диссертациятын көмүскээбитэ.
1965 с. Саха АССР доруобуйа харыстабылын миниистиринэн ананан 19 сыл үлэлээбитэ.
1957 с. Саха АССР, 1962 c. РСФСР үтүөлээх бырааһа буолбута.

Наҕараадалара уонна ытык ааттара
«Үлэ Кыһыл Знамя», «Норуоттар доҕордоһуулара» уордьаннар кавалера хаһаайына.