Петров Степан Никифорович

Петров Степан Никифорович — саха муосчута, ССРС худуоһунньуктарын сойууһун чилиэнэ, РСФСР И.Е. Репин аатынан судаарыстыбаннай бириэмийэтин лауреата, Саха АССР ускуусутбатын үтүөлээх дьайыксыта.

Степан Никифорович Хаҥалас улууһун I Маалтааны нэһилиэгэр 1938 сыллаахха бэс ыйын 7 күнүгэр төрөөбүтэ. 1962-1963 сс. Дьокуускайдааҕы уус-уран училищеҕа муосчуттар салааларыгар үөрэммитэ. 1964 сыллаахтан ССРС худуоһунньуктарын сойууһун чилиэнэ. «Сардаана» норуот уус-уран оҥоһуктарын фабрикатыгар үлэлээбитэ. 1972 сыллаахха РСФСР худуоһунньуктарын III сийиэһин дэлгээтинэн талыллыбыта. Мэтээллэринэн, САССР Үрдүкү сэбиэтин бөрөсүүдьүмүн грамотатынан наҕараадаламмыта, 1976 сыллаахха РСФСР И.Е. Репин аатынан судаарыстыбаннай бириэмийэтин ылбыта.

Аатын үйэтитии

Хаҥалас улууһугар Ой сэлиэнньэҕэ кини аатын уулусса сүгэр.