Петр Тимофеевич Макаров

Петр Тимофеевич Макаров (12.08.1981) - Былатыан Ойуунускай аатынан Саха академическай тыйаатыр дириэктэрэ, тыйаатыр уонна киинэ артыыһа.

Олоҕун олуктара

• 1981 сыл атырдьах ыйын 12 күнүгэр Хаҥалас улууһун Улахан-Аан нэһилиэгэр күн сирин көрбүтэ.
• 2002 сыллаахха М.С.Щепкин аатынан театральнай училищены бүтэрбитэ уонна Былатыан Ойуунускай аатынан Саха тыйаатырыгар артыыһынан үлэтин саҕалаабыта.
• 2002 сылтан Саха тыйаатырын Профсойууһун бэрэссэдээтэлинэн үстэ талыыллан үлэлээбитэ.
• 2017 с. Москваҕа сцена искусствотын деятеллэрин ГИТИС иһинэн «Г.Г. Дадамян үрдүкү оскуолатын» ситиһиилээхтик бүтэрэн сыана искусствотын менеджэрин идэтин ылбыта.
• 2020 сылтан Саха тыйаатырын дириэктэрэ.

Айар үлэтэ

Тыйаатырга оонньуур сүрүн оруоллара:

• Исай Попов – И.Гоголев «Кэрэ көмүскэлигэр»,
• Боорчу – Н.Лугинов «Чыҥыс Хаан ыйааҕынан»,
• Ньургун Боотур – П.Ойуунускай «Туналҕаннаах ньуурдаах Туйаарыма Куо» олоҥхо,
• Чаллаайы – И.Гоголев «Дыгын Дархан»,
• Эрдэлиир Миитэрэй – А.Аччыгыйа «Сааскы кэм»,
• Касым – Ч.Айтматов «Ийэ сирэ»,
• Сиэнньэ – С.Ермолаев «Эйиэхэ сибэкки биэрээри»,
• Дэгэнэ Дугуй – И.Избеков «Сыгый Кырынаастыыр»,
• Испирдиэн - А.Софронов «Үс ини-бии»,
• таҥара үлэһитэ – А.Дойду «Мэҥэ халлаан оҕото Манчаары Баһылай»,
• Гаврил Ксенофонтов - В.Харысхал «Тэпсиллибэт үтүө аат»,
• Г.Ксенофонтов – Н.Лугинов «Максим»,
• Апанаас – Д.Наумов «Сандаарар сарыал саллааттара» уо.д.а.

Россия киинэтигэр оруола: Дьэлмэ – «Чыҥыс Хаан кистэлэҥэ», режиссер А.Борисов.

Саха киинэтигэр оруола: Марҕа баай – «Тыгын Дархан», режиссер Н.Аржаков.