π чыыһыла күнэ — математиканы сөбүлээччилэр кулун тутар 14 күнүгэр 1:59:26 бэлиэтиир күннэрэ. Пи чыыһыла — математика константаларыттан биирдэстэрэ.

Ларри Шоу (ааҥл. Larry Shaw) диэн Сан-Францискоҕа олорор математик 1987 сыллаахха толкуйдаабыт[1]. Кини АХШ-ка туттуллар ыйы/күнү суруйар үгэһинэн кулун тутар 14 күнэ — 3/14 — уонна 1:59:26 кэм π чыыһыла бастакы разрядтарын кытта сөп түбэһэрин бэлиэтии көрбүт = 3,1415926… Үксүн күнүс 1:59:26 бэлиэтииллэр (12-чаастаах циферблатынан), ол эрээри 24-чаастаах чаһыны билинээччилэр ити кэми 13 чаас 59 мүнүүтэ дииллэр, онон түүн бэлиэтииллэр.

Бу күн π уонна кини киһи аймахха суолтатын туһунан тыл этэллэр, π-тэ суох аан дойдуну уруһуйдууллар, «Pi pie» бөрүөк сииллэр («пи» буукуба эбэтэр бастакы сыыппаралара ойуулаах), «пи»-ттэн саҕаланар утахтары иһэллэр, «пи»-ттэн саҕаланар оонньуулары оонньууллар, головоломкалары уонна таабырыннары суоттууллар, пи-ни кытта ситимнээх малы-салы тула үкүүлүүллэр, хоробуоттууллар.

Дьиктитэ диэн бу күн Альберт Эйнштейн төрөөбүт, ону таһынан Стивен Хокинг өлбүт.

Сорохтор π күнүн — от ыйын 22 күнүгэр бэлиэтииллэр (22/7).

Өссө маны көр уларыт

Быһаарыылар уларыт