РГ-42
РГ-42 — эргэ сэбиэсскэй бытарыйар гранаата. Бастакы барылын (модификациятын) конструктор С.Г. Коршунов 1942 сыллаахха ГСКБ-30 айар тэрилтэҕэ (№58-ыс Ворошилов аатынан собуокка) оҥорон таһаарбыт. Гранаата кимэн киириигэ туттуллар, бытархайдарын көтөр эргимтэтэ 25 миэтирэ.
Быһыыта цилиндрическай. Куорпуһун иһигэр, элбэх бытархайдар үөскээтиннэр диэн, өссө үс-түөрт төгүл квадратиктарынан быһыллыбыт, ыстаал лиэнтэ эриллибит. Үрдүтүгэр пласмаас бүөнэн сабыллыбыт запаал угуллар хайаҕастаах. Өҥө хаки күөх. Толоруута тротил. Эстэрэр запаала — УЗРГМ.
Иккис аан дойду сэрии кэмигэр оҥоһуллубут гранаата, өссө даҕаны сорох дойдуларга туттулла сылдьар – Польшаҕа, Кытайга («Тип 42»).
Туттуу уларыт
- Пласмаас бүөтүн үһулан бараҥҥын, запаалын ыга эрий.
- Гранаатаны уҥа илиигэр ылан баран, предохранительнай чека «усиктарын» токурутаҥҥын көннор.
- Атын илиигинэн тиэрбэһин туура тардан ыл. Болҕомто! Запаал төһүүтүн босхо ыытыма!
- Өстөөххо бырах уонна сас. Үс-түөрт сөкүүндэнэн граната эстиэҕэ.