Сафронов Михаил Григорьевич
Сафронов Михаил Григорьевич (24.11.1916, Малдьаҕар нэһилиэгэ, Ньурба улууһа, Саха уобалаһа — 16.04.1993)— ветеринария билимин дуоктара, профессор. Дьокуускайдааҕы тыа хаһаайыстыбатын чинчийэр институт дириэктэрэ (1960—1988).
| Михаил Григорьевич Сафронов | ||||
| Төрөөбүт күнэ: | ||||
|---|---|---|---|---|
| Төрөөбүт сирэ: |
Малдьаҕар нэһилиэгэ, Ньурба улууһа, | |||
| Өлбүт күнэ: |
16 муус устар 1993 (76 сааһыгар) | |||
| Дойдута: | ||||
| Учуонай аата: |
профессор | |||
| Үөрэммит кыһата: |
Новосибирскайдааҕы | |||
| Наҕараадалара: |
| |||
Олоҕун олуктара
уларыт1916 сыллаахха сэтинньи 24 күнүгэр Ньурба улууһун Малдьаҕар нэһилиэгэр дьадаҥы дьиэ кэргэҥҥэ төрөөбүт. 1934 сыллаахха Малдьаҕар оскуолатыгар 6 кылааһы бүтэрбит.
1938 сыллаахха Дьокуускайга тыа хаһаайыстыбатын рабфагын ситиһиилээхтик үөрэнэн бүтэрбит. Москватааҕы К. А. Тимирязев аатынан тыа хаһаайыстыбатын академиятыгар үөрэххэ ыыппыттар.
Үөрэҕин ситэрэ илигинэ, 1941 сыллаахха Кыһыл Аармыйаҕа ыҥырыллан, Байыаннай-ветеринарнай Академия үһүс куурсугар үөрэххэ ыытыллыбыт. 1942 сыллаахха ветеринарнай сулууспа солотун ылан Уһук Илиҥҥи фроҥҥа 1950 сыллаахха дылы сулууспалаабыт. 1949 сыллаахха сулууспатын кэмигэр кэтэхтэн үөрэнэн Новосибирскайдааҕы тыа хаһаайыстыбатын институтун бүтэрбит.
1950 сылтан — Дьокуускайдааҕы ветеринарнай станция директора.
1955 с. — ветеринария билимнэрин кандидата.
1960 сылтан — Дьокуускайдааҕы тыа хаһаайыстыбатын чинчийэр институтун директора, Саха АССР тыатын хаһаайыстыбатын миниистирин солбуйааччыта, Саха АССР Үрдүкү Сүбэтин Президиумун чилиэнэ.
1972 с. — доктор диссертациятын көмүскээбит.
1974 с. — профессор.
1988—1993 сс. — Дьокуускайдааҕы тыа хаһаайыстыбатын чинчийэр институт сүрүн научнай үлэһитэ.
1993 сыллаахха муус устар 16 күнүгэр өлбүт.
Наҕараадалара уонна ытык аттара
уларыт- Аҕа дойду сэриитин II ст. уордьана
- Икки «Бочуот Бэлиэтэ» уордьан
- Саха АССР үтүөлээх ветеринарнай бырааһа
- ВДНХ Кыһыл көмүс мэтээлэ (1968 сыллаахха бэчээттэммит «Система ведения сельского хозяйства Якутской АССР» кинигэтин иһин)
Дьиэ кэргэнэ, аймахтара
уларыт- Ойоҕо — Сафронова Татьяна Владимировна.
- Оҕолоро, 4 уоллаах:
- Сафронов Валерий Михайлович (төр. 1948) — учуонай-биолог, билим доктора.
- Убайа — Сафронов Федот Григорьевич (1914—1995) — история билимнэрин доктора.
Сигэлэр
уларыт- М. П. Неустроев. Организатор сельскохозяйственной науки в Якутии // Наука и техника в Якутии. — 2007. — № 1 (12). — С. 86—89.
- Известный ученый, организатор сельскохозяйственной науки и общественный деятель
- Сафронов Михаил Григорьевич