Сахалар XVII үйэҕэ утарсыылара

• 1632 - кулун тутарга Тыгын уонна Бойдуон атамаан Иван Галкин этэрээтин кытта Аллантан төннөн истэҕинэ кыргыһаллар. Челобитнайыгар суруйбутунан "с нами, холопами твоими, дрались по вся дни и твоего, государева, ясаку нам не дали".
• 1634 - Нам улууһун сиригэр 600-700 киһи мустан Өлүөнэ остуруогун төгүрүктээһинэ
• 1636 - Бөтүҥ сахаларын өрө туруулара
• 1636 - Тыгын уолаттара Өлкөрөй уонна Бөдьөкө Бөҕө салалталаах Хаҥалас сахаларын өрө туруулара
• 1639 - Аллан сахаларын уонна тоҥустарын өрө туруулара
• 1642 - Өлкөрөй, Бөдьөкө уонна атын бииргэ төрөөбүттэрин салалтатынан бөдөҥ өрө туруу. О. Галкин этэрээттэрэ Хаҥаласка, Е. Михалевскай этэрээттэрэ Аммаҕа, А. Гнутай Бороҕоҥҥо, В. Шахов этэрээтэ Сииттэҕэ урусхалланаллар.
• 1652 - Герасим Осколков этэрээтин урусхаллааһын.
• 1675-76 сс. - Балтуга Тимиреев (Тимир Болтоҥо? Таҥас Болтоҥо?) салалталаах Дьаархан сахалара нуучча промышленниктарын кытта кыргыһыылара
• 1681-82 - Дьэллик салалтаалаах Хаҥалас сахалара өрө туруулара

Маны таһынан биирдиилээн сулууспалаах дьону (служилые люди) өлөрүү Бүлүү, Дьааҥы, Битиим өрүстэр тардыыларыгар уо.д.а. сирдэргэ буолуталыыллара.