Сахалыы Бикипиэдьийэ
Сахалыы Википедия — Википедия саха тылынан тахсар салаата.
Суола-Ииһэ
уларыт- Үлэ 2006 сыл бүтүүтэ саҕаламмыта. Википедия сахалыы салаата баар буолуохтааҕа торуннаммыта, сорук бэриллибитэ.
- 2007 – вики-движок тылбаастаммыта, тургутар үлэ өрүттэммитэ, бастакы кыттааччылар эбиллэн барбыттара, Саха омугун II түмсүүтүгэр ааҕыы буолбута. Subscribe.ru сервис-ка “Саха Википедия сонуннара” диэн сурутуу баар буолбута.
- 2008, ыам ыйыгар – Викимедиа Фонд-ун Тыл туһаайыытын бөлөҕө сахалыы проект-ын өйөөбүтэ, ол туһаайыытынан саҥа домен олохтоммута.
- 2009, Тохсунньу 1 — 1000 сирэй олохтоммута.
- 2009, Алтынньы 10 — 5000 сирэй олохтоммута.
- 2010, Сэтинньи – Саха уонна атын олохтоох омуктар тылларын Компьютер эйгэтигэр киллэриигэ “КиберСаха” ситим-бөлөх тэриллибитэ.
- 2011 – Сахалыы бикитиэкэ – электроннай кинигэ эйгэтэ - арыллыбыта. Манна саха суруйааччыларын уонна омугун айымньылара, уураахтара, атын да сахалыы суруктар киирэллэр.
- 2011, ыам ыйа – Интернет эйгэтигэр аҕыйах ахсааннаах тус тыллаах омуктарын мунньахтара: Йошкар-Ола (Марий Эл). Хакасия, Алтаай, Тыва сирдэригэр ыытыллыбыттара.
- 2011, от ыйа – Википедия хас да кыттааччыта "Киберпространствоҕа омук тыллара” диэн ЮНЕСКО мунньаҕар кытталлар (Туймаада хочото).
- 2011, ахсынньы – Саҥа Дьыллааҕы марафон.
- 2012, муус устар – Түүр Викимедиа мунньаҕа ыытыллар, Астана (Казахстаан)
- 2012, бэс ыйа – Викимедиа Фонд-ун программист-а Амир Ахарони Туймаада хочотугар Википедия-ҕа сыһыаннаах ааҕыылары ыытар.
- 2012, сэтинньи – Саха Википедия-тын дьаһалтата Викимедиа РУ көрдөһүүтүнэн Нарьян-Мар киинҥэ (Ненец омуктар сирдэрэ) “Ясавей” ассоциация кыттыылаахтарыгар семинаар ыытар.
- 2012, сэтинньи – Саха Википедиятын кыттааччылара Москва-ҕа виики-һиттэрин бүтүн мунньаҕар кытталлар. Петербург киинигэр Долгаан омук культура-тын чинчийэн үөрэтээччилэргэ көрсүһүү ааһар.
- 2013 – тохсунньу 3 күнүттэн 14-гэр диэри Саҥа Дьыллааҕы күрэс.