Скрыбыкин Николай Николаевич (Кулады уола)

Скрыбыкин Николай Николаевич (1876 с.т.) Арҕаа Хаҥалас 1 Одуну нэһилиэгиттэн төрүттээх атыыһыт, кинээс Кулады Ньукулай уола.

Скрыбыкин Н.Н. түүлээҕинэн эргинэр атыыһыт быһыытынан биллэрэ. Дьокуускай куоракка маҕаһыынааҕа, хас да куортамҥа биэрэр дьиэлээҕэ, бэйэтин дьиэтэ Аппа уҥуор (Залокка) баара. Кыра үөрэхтээх. Сэбиэскэй былаас бастакы сылларыгар баайа бүтүннүү туордаммыт. Кэргэнинээн биир иитэр уоллаахтара.