Сыа балык
Сыа балык[1], атыннык - ньоҕор (лат. Coregonus tugunCoregonus tugun) — тууһа суох ууга үөскүүр, майаҕастыҥылар көрүнэригэр киирэр кыра балык. Сибииргэ эрэ баар буолар (эндемик), Обьтан саҕалаан Дьааҥыга диэри Муустаах хотугу байҕалга түһэр өрүстэргэ, ону тэҥэ Урал салаа үрэхтэригэр үөскүүр. Нууччалар сыа балыгы сосьвинская сельдь, тугунок эбэтэр манерка диэн ааттыыллар. Сыа балык уһуна 20 см, ыйааһына 90 г. тиийиэн сөп. Ойоҕоһугар 54-76 судургутук хаҕыланар хатырыктаах буолар. Олоҕо кылгас: үгүс сыа балык икки сааһыгар төрүүр-ууһуур сааһын ситэр. 6 сааһыгар диэри олорор. Уу салахайынан (планктон), рактыҥыларынан, үөн-көйүүр ыаматынан аһыыр. Бултанар балык. Ол эрээри тиһэх 40 сыл иһигэр сыа балык булда 10 төгүл түспүт.
Хаартыската:
http://www.bylkov.ru/_ph/35/2/814438702.gif
http://www.bylkov.ru/_ph/83/2/478064083.jpg
http://www.povarenok.ru/images/recipes/step/54/5454/545439.jpg
Бэлиэтээһиннэр
уларыт- ↑ Решетников Ю. С., Котляр А. Н., Расс Т. С., Шатуновский М. И. Пятиязычный словарь названий животных. Рыбы. Латинский, русский, английский, немецкий, французский. / под общей редакцией акад. В. Е. Соколова. — М.: Рус. яз., 1989. — С. 70. — 12 500 экз.
Сигэлэр
уларыт- Позвоночные животные России: тугун (с иллюстрацией и картой ареала) Архыыптаммыт 2016, Муус устар 5 күнүгэр.
- Богданов В. Архыыптаммыт 2008, Олунньу 28 күнүгэр. Рыбы / Статья на официальном сайте Ханты-Мансийского автономного округа — Югры Архыыптаммыт 2008, Олунньу 28 күнүгэр.
- Тугун в БСЭ