Терроризм

Терроризм диэн куттааhыны (террору) мэлдьи туттуу. Билигин, терроризм өйдөбүлэ омуктар икки ардыларынааҕы биир ылыныллыбыт быhаарыыта суох. Мантан ураты, терроризм диэн сокуону кэhэр күүһүлээһини уонна сэриини тэрийиини ааттыыллар. Араас террорист тэрилтэлэрэ эбэтэр соҕотох террористар тус туспа идеологиялаахтар уонна соруктаахтар.

Термин төрүтэ

"Terror" диэн латыын тыла, "куттааhын" диэн тылбаастанар.

Сэтинньи 2004, Холбоhуктаах Нациялар Көмүскэл Сүбэтэ терроризмы "дьону куттуур, эбэтэр дьаhалтаны эбэтэр омуктар икки ардыларынааҕы тэрилтэни тугу эмэ гыннаттарар эбэтэр гыннаттарбат соруктаах, олохтоохтору эбэтэр сэриилэспэттэри өлөрүү эбэтэр эчэтии хайа баҕар дьайыыта".

Үгүс дойдуларга, сокуон быhыытынан терроризм дьайыылара криминал дьайыыларыттан араарыллаллар.

Тутаах критерийдара

Официаллык быhаарыылара терроризм утары политиканы быhаараллар уонна кинилэрдиин үлэлэhэр гына уларыйаллар. Үгүс дьаhалта быhаарыылара бу тутаах критерийдары бэлиэтииллэр: сорук, сылтах, буруйдаах уонна дьайыы сокуоннаhа.

• Күүһүлээhин
• Психология сабыдыаллааһына уонна куттааhына
• Политика соруга
• Сэриилэспэт дьоҥҥо саба түһүү
• Сокуону утарыы

Көрүҥнэрэ

Майгытынан:

• Тэрээhинэ суох, соҕотох тэрийээччилээх
• Тэрээhиннээх, элбэх кыттааччылардаах

Соруктарынан уонна төрүттэринэн:

• Национал терроризм
• Итэҕэл терроризма
• Идеология эбэтэр социал терроризм