Токок тыыраахы
Токок тыыраахы (нууч. полярная крачка, лат. Sterna paradisaea) — хотугу муустаах муора кытылын кыйа олохсуйар көтөр. Тыыраахылар уустарыгар киирэр.
Өҥө үрүҥ, хара баттахтаах, кутуруга кыптыый курдук. Тумса сайын, саас кыһыл. Атахтара кылгас буоланнар содьороҥноон хаамар.
Европаҕа, Сибииргэ, Хотугу Америкаҕа тарҕаммыт көрүҥ.
Бу көтөр хотугу полярнай эргимтэ таһыгар уйаланар (сорох ааптардар суруйалларынан ареалын соҕуруу кыраныыссата Дьокуускайга тиийэр). Ыйааһына көннөрү көннөрү тыыраахытааҕар кыра буолар, ол оннугар кутуруга уһун.
Токок тыыраахы — Арктикаттан Антарктикаҕа сыл сезонуттан көрөн көһө сылдьар соҕотох көтөр. Ол сылдьан кини 70 тыһыынча километры ааһар.[1]. Бу көрүҥ сорох бэрэстэбиитэллэрэ сылга 80 тыһыынчаттан тахса километры бараллар.[2]