Торотоев Григорий Григорьевич

Торотоев Григорий Григорьевич 1927 с. олунньу 15 күнүгэр Бүлүү оройуонун Өргүөт нэһилиэгэр (билиҥҥинэн Арыылаах нэһ.) төрөөбүтэ.

Бүлүү улууһун уонна Дьөккөн нэһилиэгин Ытык Киһитэ, Үлэ уонна Тыыл бэтэрээнэ, Саха Өрөспүүбүлүкэтин Учууталларын Учуутала, Арассыыйа норуотун үөрэҕириитин туйгуна. Эдэр ыччаты иитиигэ-үөрэтиигэ олоҕун 56 сылын анаабыта. Ол онтон 15 сылын Тааһаҕар, Лөкөчөөн, Дьөккөн оскуолаларыгар сэбиэдиссэйдээбитэ/дириэктэрдээбитэ.

«Олох суола» хаһыат уопсастыбаннай кэрэспэдьиэнэ этэ. Элбэх хоһоону уонна тэттик кэпсээни суруйбута. «Дьөккөн икки геройдаах» ырыа (хампаһыытар Камед Мегежекскай матыыба) хоһоонун ааптара буолар. Уолун кытта кыттыһан, "Дьөккөнүм оскуолата" диэн оскуола Өрөгөй ырыатын (Уйбаан Тулааһынап матыыба) хоһоонун суруйбута.

50 сыл бииргэ олорон, 7 оҕону иитэн, үлэһит оҥорон, дьиэ кэргэн суолтатын үрдэппиттэрин иһин Торотуойаптары СӨ дьиэ кэргэн уонна оҕо аймах көмүскэллээх буолуутун Бүлүүтээҕи киинин Бочуоттаах кинигэтигэр киллэрбиттэрэ.

2010 сылтан Торотоев Г.Г. аатынан анал истипиэндьийэ Сэбиэскэй Сойуус Дьоруойа Н.А. Кондаков аатынан Дьөккөн орто оскуолатын ситиһиилээх үөрэнээччитигэр туттарыллар.

Оскуолатааҕы үлэтэ-хамнаһа уларыт

1944-47 сс. Бүлүүтээҕи учуутал кыһатыгар үөрэнэр.

1947-1950 сс. - Сымалыыр алын сүһүөх оскуолатыгар алын кылаас учуутала.

1950-1954 сс. - Дьөккөн 7 кылаастаах оскуолатыгар ахсаан учуутала, алын кылаас учуутала.

1954-1956 сс. – Тааһаҕар начаалынай оскуолатын сэбиэдиссэйэ.

1956-1965 сс. - Лөкөчөөн начаалынай оскуолатын сэбиэдиссэйэ.

1965-1968 сс. - Дьөккөн 7 кылаастаах оскуолатын дириэктэрэ.

1968-2003 сс. - Дьөккөн 8 кылаастаах, онтон орто оскуолатыгар алын кылаас учууталынан, уһатыллыбыт күннээх бөлөх иитээччитинэн, бибилэтиэкэринэн, саахымат, дуобат, луогука учууталынан үлэлээбитэ.

Наҕараадата уларыт

«Үлэ бэтэрээнэ» (1982 с.), «Дьөккөн нэһилиэгин Ытык Киһитэ» (1994 с.), Арассыыйа норуотун үөрэҕириитин туйгуна (1994 с.), «Тыыл бэтэрээнэ» (1996 с.), «Бүлүү улууһун Ытык Киһитэ » (1997 с.), «Аҕа дойду Улуу Сэриитин бэтэрээнэ» (2004 с.).

Мэтээллэрэ: «1941-45 сс. Аҕа дойду Улуу Сэриитин кэмигэр килбиэннээх үлэтин иһин»; «Улуу Кыайыы 50 сыла»; «Сэбиэскэй Сойуус Маршала Жуков»; «1941-45 сс. Аҕа дойду Улуу Сэриитин бэтэрээнигэр», «Улуу Кыайыы 60 сыла».

Кини туһунан уларыт

Торотоев Г.Г. туһунан матырыйаал «Вчера и сегодня Вилюйской земли” (Якутск, 1999), «Лөкөчөөн нэһилиэгэ. Бүлүү улууһа» (Дьокуускай, 2007), «Өбүгэм үһүйээнэ сүрэхпэр сөҥнүн» (Дьокуускай, 2008), «Педагогическая энциклопедия. Т. IV» (Якутск, 2010), «Дьөккөн. Бүлүү улууһа» (Дьокуускай, 2012), о.д.а. кинигэлэргэ киирбитэ.

Сигэ уларыт

Педагогическая энциклопедия. Т.IV: / М-во образования Респ. Саха (Якутия) [редкол.: Ф.В. Габышева и др.]. – Якутск: ООО «ВИЗИТ КАРД», 2010. – С.398.