Туу

Туу - балыктыыр тэрил.

Балык улаханыттан уонна тутар ньыматыттан тутулуктаах араас туулар баар буолаллар: мунду туута, күөнэх туута, ардьа, күрэх туута, иэрэ туута, быһыт туута.

Былыр тууну тиит мастан тыырыллыбыт уһун мастары биир хапталга тутан, тиит эбэтэр талах силиһиттэн оҥоһуллубут быаннан баайан, онтон эмиэ тиит маһыттан оҥоһуллубут киспэҕэ сигээн иһит курдугу оҥорон таһаараллар эбит.

Былыргы тууну оҥорооччулар - тууһуттар - күҥҥэ уоҥҥа тиийэр тууну баайыахтарын сөп үһү. Аныгы туулары үксүн сымнаҕас тимир борубулуолахаттан баайаллар.

Күөллэргэ бэс ыйын саҕаланыыттан алтынньы бүтүөр диэри (муус хаарынан бүрүллүөр диэри) туулууллар. Собону атырдьах ый бүтүөр диэри туттараллар, онтон мундуну муус анныттан кытта бултууллар.

Кэлин XX үйэ саҕаланыытыгар оннооҕор балыктааһыны сири таҥастааһын биллэ үтэйбитин да кэннэ элбэх тууһуттар бааллар эбит. Холобур, 1917 с. биэрэпис көрдөрбүтүнэн Дьокуускай уокуругар 12 120 туу, оттон Бүлүү уокуругар 90 111 туу баар ааҕыллыбыт.

Туһаныллыбыт кинигэ

• Пища якутов до развития земледелия. А.А. Саввин, ИГИ АН РС(Я), Якутск, 2005, ISBN 5471-00224-5