Түөрт (ахсаан)

4 (үс) — дьиҥ ахсаан, 3 уонна 5 икки ардыларыгар турар ахсаан.

Түөрт ахсаан глифа

Математикаҕа

• 4=2+2=2×2=2²=2↑↑2=2↑↑↑2…
• 2⁴ = 16
• Тетраэдр оройдорун уонна ньуурдарын ахсаана
• 1/4 — түөрт гыммыт биирэ

Билимҥэ

• Бериллий атомнай нүөмэрэ
• Марс — Күнтэн төрдүс планета

Атын эйгэлэргэ

• Алтай Республикатын кода
• Муус устар — сыл төрдүс ыйа
• ССРС төрдүс салайааччыта — Хрущёв Никита Сергеевич
• Хаарты мааһа: чиэрбэ, буугунай, эбиэн, туора
• Сир-халлаан хайысхалара: хоту, соҕуруу, арҕаа, илин
• Суукка кэмнэрэ: түүн, сарсыарда, күнүс, киэһэ

• 
  Оонньуур хаарты түөрт мааһа

Саха фольклоругар

Таабырыннар

• Түөрт киһи биир бэргэһэлээх (түөрт атахтаах сандалы)
• Түөрт тиит икки арда сайын да, кыһын да хараарбат үһү (тииҥ өрөҕөтө)
• Түөрт киһи өлөрсөр, түөрт киһи тымтык тутар, түөрт киһи оҥкучах хаһар, түөрт киһи сибигинэйэр, икки киһи сыыс харбыыр (оҕустар харсыылара)
• Аҕыс киһи буор хаһар, түөрт киһи охсуһар, икки киһи илбийэр (оҕустар охсуһаллар)
• Түөрт киһи өһүөнү көтөҕөр, икки киһи таҥараҕа үҥэр, биир киһи дьиэ сиппийэр, икки киһи уот тутар, икки киһи иһиллиир (атах, муос, кутурук, харах, кулгаах)
• Аҕыс атастыы, түөрт дьүөрэлии, икки чылаахаан, соҕотох сордоох бааллар үһү (ыыраах, сүнньүөх, муос, кутурук)
• Түөрт мааны кыыс тура-тура үҥкүүлүүллэр үһү (ынах эмиийэ)
• Биир хайа үрдүгэр түөрт хаас олороллор үһү (ынах эмиийэ, синньэ)