Удалянчи

Удалянчи куорат Кытай хоту өттүгэр сытар дьоҕус куорат. Хэйлунцзян провинция Хэйхэ округун куората буолар. 9800 кв.км. иэннээх. 2010 сыл биэрэпиһинэн 326390 киһилээх

Удалянчи - 5 улахан күөл холбоһуга диэн өйдөбүллээх. Куорат бэлиэ сирдэринэн биэс сойбут вулкаан күөллэрэ буолаллар. Удалянчи куорат уезда 1 уулусса комитетыгар, 3 бөһүөлэккэ уонна 10 буоласка арахсар.

Удалянчи кэрэ бэлиэ сирдэринэн буолаллар, бу биһиэхэ баар курдук муустаах хайа хаспаҕа баар. Онно 5 кыраадыс тымныы турар төгүрүк сыл. Куорат үрдүгэр Чжун Лин диэн былыргыттан турар буддистар храмнара турар. Онно сатыы тахсаҕын. Сатыы тахсар суолуҥ иннигэр харах уута диэн ааттаах дьүүктэ сүүрэ сытар, таҕыстахха Гуаньинь диэн кытайдар дьиэ уотун араҥаччылыыр айыыларын статуята турар. 280 сыл анараа өттүгэр вулканнар эстэннэр оҥорбут күөллэрин быыһыгар Хара дракон диэн хайа 18 үйэҕэ үөскээбит. Онно туран көрдөххө биэс күөл барыта көстөр. Куорат ортотунан тоҥон хаалбыт вулкан магмалалара үрэх курдук үөскэппиттэрэ сытар. Дьүүктэлэр Сүрэх эмтиир, харах эмтиир, куртах эмтиир диэн арахсаллар, ол таһынан кыра ванна курдук таас хаспахтарга уу мустар ол ону тирии ыарыытын эмтиир дииллэр.

Сүрэх эмтиир дьүүктэ үрэх буолан бэйэ оҥоһуу бассейыҥҥа мустар. Ол уу үс эрэ кыраадыс, иһигэр киирэн киһи өр тулуйан олорбот. Уҥуох тоҥуор дылы нэһиилэ тулуйа сатаан баран таһырдьа таҕыстахха күн уотугар ип итиинэн, хартыыһа ууруллубутун курдук ититэр. Дьэ ол тымныы итии уларыйыытыгар киһи сүрэҕэ бөҕөргүүр диэн ааттыыллар. Ити дьүүктэлэр бары араас састааптахтар. Харах эмтиир дьүүктэ үрүҥ көмүһэ элбэх дииллэр. Харах сууннахха олус туһалаах киһи хараҕын дьэҥкир бүрүөтүн чөлүгэр түһэрэр диэн ааттыыллар кытай эмчиттэрэ.

Удалянчи куорат ити эмтээх дьүүктэлэри туһанан курорт систематат олус сайдыбыт.