Хаарбас

Хаарбас (нууччалыы карбас) – хаптаһынтан оҥоһуллубут таһаҕас таһар аал.

Устата муҥутаан 20 м, кэтитэ 4 м курдук, эркиннэрин үрдүгэ миэтэрэҕэ чугаһыыр. Уйуга – саамай улахана 50 тонна. XX үйэ 20-ис сылларыгар диэри Өлүөнэ баһыттан сүүрүгү таҥнары таһаҕаһы үксэ хаарбаһынан таһаллара.

Өлүөнэ баһыгар Качугка идэтийбит мас уустара бааллара. Качуг оройуонугар 1956 сылга тиийэ хаарбас туталлар этэ. Кэлин атын транспорт көрүҥэ сайдан, хаарбас суолтата сүппүтэ.

Качугтан Дьокуускайга диэри хаарбас 40 хонук айаннаан тиийэрэ. Уһаараар дьону "Өлүөнэ бурлактара" диэн ааттыыллара. Хаарбас таһаҕаһы тиэйэн аҕалан баран, таһаҕас миэстэтигэр хаалар этэ, үйэтэ биир сырыынан бүтэрэ. Маһа туох эмэ тутууга туһаныллара эбэтэр уокка оттуллара. Дьокуускайга сорох эргэ дьиэлэр олбуордара хаарбас хаптаһыныттан оҥоһуллубут буолар.

Ыйынньыктар

• Материальная культура якутов - "Лодки" Архыыптаммыт 2004, Алтынньы 24 күнүгэр.
• Беломорская биологическая станция Московского государственного университета - "Карбас" Архыыптаммыт 2007, Олунньу 13 күнүгэр.
• "Корабельная роща" - Качугка хаарбас тутуутун туһунан кыратык кэпсэнэр Архыыптаммыт 2006, От ыйын 18 күнүгэр.