Хоро салаҥ

Хоро салаҥ диэн тугу да кыайан оҥорбот, туппат, үлэни сатаабат киһи ааттанар.

Омук сайдыытыгар, үйэтэ уһууругар үлэни-хамнаһы кыайара бастакы оруолу ыларын саха тыла биллэрэр.

Салаҥ диэн тугу да үчүгэйдик оҥорбот, туппат, оҥорбута табыллыбат, сатаммат киһи ааттанар.

Хоро салаҥ диэн букатын тугу да сатаан оҥорбот, туппат киһи буолар.

Сахалар хоролордуун уһун үйэлэргэ бииргэ олорбут омуктар. Хоролор биир төрүппүтүнэн ааҕыллаллар. (1,35).

Ааспыт үйэлэргэ, нууччалар кэлиэхтэрин быдан иннинэ хоролор эстэн, симэлийэн сахаларга холбоспуттар, саха буолбуттар. Кинилэр эстэн, мөлтөөн истэхтэринэ үлэни-хамнаһы кыайбат, кыайан оҥорбот буолууларын «хоро салаҥ» диэн сирэн ааттаабыттара быһаарар.

Омук эстиитигэр, симэлийиитигэр үлэни-хамнаһы кыайбат буолуута, сайдан, уларыйан иһэр олохтон хаалан хаалыыта тириэрдэр.

Билигин хоролор тыал буолбут омуктарга киирсэллэр.

Ырыа-тойук буолбакка омугу кыайыылаах үлэ эрэ сайыннарар, уһун үйэлиир.

Туһаныллыбыт литература

1. Боло С. И. Прошлое якутов до прихода русских на Лену. — Якутск: Нац.кн. изд-во «Бичик», 1994. — 352 с.