Чопчута суох ахсаан аат (тыл)

Ахсааны чыыһылата суох үрдүттэн бөлөҕүнэн ылан ааҕар ахсаан тылы чопчута суох (чопчуламматах) ахсаан аат дэнэр. Холобур: элбэх, үгүс, сорох, аҕыйах, бары, төһө эмэ, хас даҕаны, о.д.а. Чопчуламматах ахсаан аат этиигэ быһаарыы, туһаан, кэпсиирэ буолар. Чопчута суох ахсаан ааттан –ТА, -ТЫК, -ТЫЫ сыһыарыыларынан сыһыат үөскүүр: элбэхтэ, элбэхтик, аҕыйахта, аҕыйахтык, о.д.а. Чопчута суох ахсааны бэлиэтиир тыллар бу бөлөхтөрө ахсаан аат буолаллара мөккүөрдээх. Сороҕо даҕааһын, сороҕо солбуйар аат, сороҕо сыһыар курдук ылыныллар.