Эҕэрдэлэр

Эҕэрдэ сурук

Үлэ киһититтэн ордук чиэстээх, ытыктабыллаах

бу күн анныгар ким баар буолуой?

Үлэ үөрүүтүттэн ордук үрдүк, ыраас үөрүү туох баарый?

Иван Гоголев-Кындыл

                           Убаастабыллаах Павел Николаевич!

       Бу орто туруу-бараан дойдуга төрөөн-үөскээн 65 сааскын томточчу туолбут кэрэ-бэлиэ кэрдиис кэмҥинэн, Эйиэхэ истиҥ иэйиилээх иһирэх эҕэрдэбитин, сахалыы сайаҕас алгыспытын тиэрдэрбитин көҥүллээ!

     Бу үөрүүлээх үбүлүөйгүн бэлиэтиир дьоро күҥҥүнэн биһиги Эйигин мэлдьи кыһамньылаах үлэһит, олох кыһалҕаларын өйдүүр, тулуурдаах, сымнаҕас майгылаах киһи быһыытынан үрдүктүк сыаналыыбыт уонна эйиэхэ махтанабыт! Эн саха сүөһүлэрэ Горнай улууһун Улуу-Сыһыы учаастагыттан кэлиэхтэриттэн бэриниилээхтик өр сылларга дууһаҕын уураҥҥын, кыһамньылаахтык, бэриниилээхтик төрүт сахабыт сүөһүтэ үксүүрүгэр-элбииригэр үлэлээн кэллиҥ.  Маҕарас нэһилиэгин дьонун-сэргэтин дириҥ ытыктабылын ыллыҥ. Горнай улууһун онхойго суеьуу барыыта оймекеенне барбыттара суеьу ахсаана элбээтэ. Тарҕатыыга улэлэстэ.   .

      Эн  оҕо сааскыттан үлэҕэ эриллэн олоҕу сыаналыырыҥ чаҕылхай холобура буолар. Киэҥ-холку, чиэһинэй, хайдах да ыарахантан чаҕыйбат, ыктарыылаах да кэмнэргэ ыгылыйбат майгыҥ, тулалыыр дьоҥҥор-сэргэҕэр эйэ-дэмнээх дьиҥ чахчы доҕордуу

сыһыаҥҥынсыаналыыбыт.

    Эн, ханна да үлэлээтэргин мэлдьитин күүскүн-уоххун, сатабылгын барытын уураргын, үлэҥ-хамнаһыҥ ситиһиилээх буоларыгар мэлдьи туруулаһаргын үчүгэйдик билэбит!

       Күндү Павел Николаевич! аймах-билэ дьонноруҥ, үгүс атастарыҥ-доҕотторуҥ махталларынан арыаллатан, бар дьонун истиҥ сыһыаннарынан кынаттанан үтүөнү-кэрэни айа, үлэлии-хамсыы сырыт. Оҕолоргор, сиэннэргэр дурда-хахха, күүс- көмө, эрэллээх эркин, тапталлаах Аҕа, эһээ буолаҕын.

        Толкуйдаабыккын тобула, санаабыккын саргылыы сырыт диэн алгыс бастыҥын аныыбыт! Ыарыы ыалласпатын, дьаҥ-дьаһах халты хаамтын, үтүө ыраҥ туолан, санаабытыҥ ситэн истин диэн айхаллыыбыт уонна оҕолорун-сиэннэриҥ тапталларыгар бигэнэн өссө да уһуннук, дьоллоохтук сүһүөҕүн үрдүгэр сылдьан, үлэлээ-хамсаа, үгүс дьоҥҥун үөрдэ сырыт!