Эһээхэй

Эһээхэй, эмиий эмэр оҕо — төрүөҕүттэн биир сааһыгар дылы. Саҥа төрөөбүт оҕо диэн маҥнайгы 4 нэдиэлэтэ, оттон эмииҋ эмэр кэмэ түөрт нэдиэлэтиттэн сааһыгар дылы. Ыарыыларга ыалдьымтыа, онон үчүгэй бүөбэҋдээһин наада.

Эмиий эмэр кэмигэр оҕо үксүн улаатар уонна сайдар. Биириттэн үс ыйыгар дылы ый аайы 3түү сантымыатыр улаатар, 4-6 ыйыгар дылы 2,5 см, 7-9 ыйыгар 1,5 -2 см, оттон 10 ыйыттан сааһыгар дылы биирдии сантымыатыр улаатар.

Эһээхэй аһа

ВОЗ сүбэтинэн оҕо алта ыйыгар дылы эмиий эмиэхтээх. Ийэ үүтэ оҕоҕо наадалаахтары алта ыйыттан сааһыгар дылы аҥаарын курдугу хаарчыйар, биир сааһыттан икки сааһыгар дылы үс гыммыт биир курдугу хаарчыйар. Алта ыйыттан эбии ас көрүллэр.

Тиис тахсыыта

Билэ:Тиис тахсыыта.jpg

Тиис тахсыыта

Оҕо оҕоҕо атын атын кэмҥэ тахсар. Үксүн алта ыйдарын кэнниттэн тахсан саҕаланар, сорохторго түөрт ыйдарын кэнниттэн тахсар, оттон биирдэ эмит тиистээх оҕолор төрүүллэр. Аллараа инники тиистэрэ үксүн бастакы тахсар, биэс - сэттэ ыйдарыгар, үөһээҥҥилэрэ тоҕус - уон биир ыйдаахтарыгар, икки саастарын туолууларыгар, 10-12 ыйдарыгар аллараа ойоҕос тиистэрэ тахсар. Барыта икки аҥаар саастарыгар тахсар.

Тиис тахсар кэмигэр оҕо температурата тахсыан сөп, хаппырыыстыыр, аһаабат буолар, силэ тахсар, кытаанаҕы ыстыан баҕарар.

Төрөппүттэр уонна быраастар тиис тахсыытыгар атын ыарыы эмиэ кэлэр дииллэр. Тиис тахсыыта тумууну, хотуону хайдах даҕаны кыайан ыҥырбат. Итинтэн оҕо диагноһа сыыһа туруон сөп.

Литература

Орлова, Елена. Книга детского врача, написанная для родителей. Как правильно лечить ребенка и заботиться о его здоровье. — М. : Издательство АСТ, 2019. — 224 с. — ISBN 978-5-17-110671-3.
Николай Евгеньевич Веракса. Познавательное развитие в дошкольном детстве: учебное пособие. — МОЗАИКА-СИНТЕЗ, 2012. — 338 с. — ISBN 9785431500978.
Департамент здравоохранения города Москвы. Часть 1. Морфометрическое и психомоторное развитие ребёнка первого года жизни. — М., 2014. — 24 с.
Департамент здравоохранения города Москвы. Часть 2. Психомоторное развитие детей первого года жизни. — М., 2014. — 28 с.
Алимова Ю., Гордиенко И., Зайченко А., Кравцова А., Ковтун О., Кукуруза А., Хворостенко А. Раннее развитие ребёнка / под ред. А. Кравцовой, А. Кукурузы. — К.: БФ «Институт раннего вмешательства», 2015. — 72 с. — ISBN 9786177239122