Үөһээ Бүлүү улууһун былааҕа
Саха Өрөспүүбүлүкэтин "Үөһээ Бүлүү улууһа" олохтоох тэриллии былааҕа — бу олохтоох тэриллии биир дьоһун бэлиэтэ буолар.
Былаах Үөһээ Бүлүү улууһун Сүбэтин 2006 сыл муус устар 26 күнүнээҕи 28—11 №-дээх «Об утверждении флага муниципального района „Верхневилюйский улус (район)“» Быһаарыытынан бигэргэтиллибит.[1]
| Үөһээ Бүлүү улууһа Саха Сирэ Россия | |
|
| |
| Олохтоммут күнэ-дьыла | |
|---|---|
.png)
Дьүһүнэ
уларытБылаах — көнө муннуктардаах иэн, хонуутун өҥө халлаан күөх.
Былаах ортотугар сахалыы оһуор «көҕүөр ойуута» турбут. Бу ойуу улуус дьаралыгар эмиэ баар эбит. Киэргэл ойуу (орнамент) ынах, икки төбөлөөх сылгы уонна оноҕос көстүүлээх туос оһуор буолар. Былаах угун кыйа (туруору, үөһэттэн аллараа) сэттэ саха аламай таастара (муннуктарыгар туруоруллубут түөрт тэҥ өрүттээх эттиктэр, хас биирдии эттик алта өлүүгэ араарыллыбыт: кириэстии уонна икки бэйэ-бэйэлэригэр тиксэр туһааннар) ууруллубуттар.[2]
Ытык бэлиэ олоҕо
уларыт- Муостаах ынах—сүөһү киэргэл ойуута — Үөһээ Бүлүү ынах—сүөһү иитиитинэн, тыа хаһаайыстыбатынан дьарыгырар улуус буоларын туоһулуур.
- Икки төбөлөөх сылгы киэргэл ойуута — былаас икки салаата (быыбарданар уонна ситэриилээх былаастар) тэҥ бырааптаахтарын көрдөрөр.
- Оноҕос ойуута — былаастар биир сорукка дьулуруйуулара.
- Сылгылар сиэллэрэ — туораахтаах үүнээйилэр культураларын ыһыы бэлиэтэ.
- Иһинээҕи киэргэл ойуу — бу улуус сырдык кэскилэ — үүнэн иһэр кэнчээри ыччата буолар.
- Сэттэ аламай таастар Саха Сирин гербэтигэр баар аламай таастарга дьүөрэлии ууруллубуттара, Үөһээ Бүлүү улууһун сирэ-уота Саха Өрөспүүбүлүкэтигэр киирэрин көрдөрөр.