Абааһы өйдөбүлэ

Абааһы диэн дьон тугу сөбүлээбэттэрин, сирэллэрин, туораталларын, билбэттэрин ааттыыллар.

Дьон өйө-санаата сайдыыта олоҥхо кэмин саҕана бэрт намыһах этэ. Киһи оҥорор быһыытын үчүгэй уонна куһаҕан диэн араарыы өссө үөскүү, олохсуйа илигэ. Дьон ахсааннара аҕыйаҕа, икки аҥы; айыы уонна абааһы диэннэргэ эрэ арахсаллара:

1. Айыы дьоно. Бэйэ дьонун айыы дьонунан ааттыыллара.

2. Абааһылар. Атын дьону барыларын абааһыларынан ааттыыллара, көрсүстэхтэринэ өлөрсөллөрө, оннооҕор сиэһэллэрэ.

Былыргы кэмнэргэ абааһылар аһара элбэх этилэр. Дьон тугу билбэттэрин; араас сибиэннэри, иччилэри барыларын абааһыларынан ааттыыллара. (1,25). Араас ыарыылары дьоҥҥо абааһылар ыыталлар диэн саныыллара.

Аныгы наука, медицинэ сайдыбыт үйэтигэр абааһылар симэлийэн, суох буолан иһэллэр.

Дьон өйдөрө-санаалара сайдан, үчүгэйи уонна куһаҕаны арааран билэн оҥорор быһыылара тупсан истэхтэринэ атыттары абааһынан ааттааһын суох буолан иһэр. Дьон бэйэ-бэйэлэрин абааһы көрсүбэт буолан иһэллэрэ эйэлэһэр санааларын улаатыннарар.

Туһаныллыбыт литература

1. Афанасьев П.С. Саха тылын быһаарыылаах кылгас тылдьыта. - Дьокуускай: Бичик, 2008. - 680 с.

Өссө маны көр

• Абааһыны көрүү