Ананьев Василий Егорович

Ананьев Василий Егорович, 1941 с., бэс ыйын 26 күнүгэр, Сунтаар улууһун, Түбэй нэһилиэгэр, төрөөбүтэ. 1960 с. 1 №-дээх Дьокуускайдааҕы педагогическай училищеҕа физкультура салаатыгар үөрэнэ киирбитэ, бүтэрэн баран физкультура уонна труд учууталын идэтин ылбыта. 1976 с. СГУ биолого-географическай салаатын кэтэхтэн бүтэрбитэ. СӨ үөрэҕириитин туйгуна, «За спасение утопающих» мэтээл хаһаайына, «Победитель социалистического соревнования» бэлиэ хаһаайына.

Олоҕун олуктара

1964–1995 сылларга Василий Егорович Сиэйэ орто оскуолатын физкультура учууталынан үлэлээбитэ. Ити кэмҥэ Элгээйитээҕи оҕо спортивнай оскуолатыгар бокса тренеринэн үлэлээбитэ.

Сыралаах, бэриниилээх үлэтин түмүгэр боксаҕа икки Россия уонна Дальний Восток кыайыылаахтарын, 30 респубика боксаҕа кыайыылаахтарын, 9 спорт маастарыгар кандидаты, 20 -тэн тахса физкультура учууталларын уонна тренердэрин иитэн таһаарбыта.

Энтузиаст учуутал, тлааннаах тренер нэһилиэнньэҕэ чөл олоҕу уонна спордунан дьарыктаныыны пропагандалаабыта. Улуус, республика хаһыаттарыгар 300-н тахса ыстатыйа, педагогическай ааҕыыларга дакылааттары суруйбута. 2000 с. «Спорт үрдүк үрдэлэ» кинигэ күн сирин көрбүтэ.

В.Е. Ананьев (Чороонноох Баһылай) – Саха сиригэр биллэр оһуохай тылын этээччи, С.А. Зверев (Кыыл Уола) аатынан түөскэ кэтиллэр бэлиэ хаһаайына.

Василий Егорович – боксаҕа Саха сирин биэс төгүллээх кыайыылааҕа, ДСО «Спартак» үс төгуллээх кыайыылааҕа, Соҕуруу Корея-Монголия-Саха Сирэ-Бурятия аан дойдутааҕы хамаанданан турнир призера, «За заслуги в развитии ФКиС РС (Я)», «За развитие и пропаганду ФК РС (Я)» бэлиэлэр хаһаайына.