Андреас Хайнеке
Андреас Хайнеке (ниэм. Andreas Heinecke; 1955 сыл ахсынньы 24 к., Баден-Баден, Германия) — ниэмэс суруналыыһа, түмэт урбаанньыта уонна менеджер, Dialogue Social Enterprise GmbH компания тэрийээччитэ уонна салайааччыта (2008)[1][2][3][4].
| Андреас Хайнеке | |
| Andreas Heinecke | |
| Дьарыга: |
суруналыыс, түмэт урбаанньыта уонна менеджер |
|---|---|
| Төрөөбүт күнэ: |
1955 ахсынньы 24 күнэ (59 саастаах) |
| Төрөөбүт сирэ: | |
| Ойоҕо: |
Орна Коэн (англ. Orna Cohen) |
Олоҕо уларыт
Андреас Хайнеке 1955 сыллаахха ахсынньы 24 күнүгэр[4] Баден-Бадеҥҥа (Германия)[5] дьэбириэй-нацис дьиэ кэргэнигэр төрөөбүт[2]. Ийэтин өттүнэн аймахтара Холокост сиэртибэлэрэ, оттон аҕатын өттүнэн - Гитлеры өйөөччүлэр[2]. Онтон сылтаан эдэр сылдьан Андреас киһи уйулҕатын туһунан элбэҕи толкуйдаабыт[2]. Ол түмүгэр киһи тулуйугас, аһаҕас уонна эйэлээх буолуохтаах диэн санааҕа кэлбит[2].
1977 сылтан 1982 сылга дылы Хайдельберкка остуоруйаны уонна литэрэтиирэни үөрэппит (ааҥл. Heidelberg College of Education)[4].
1970-с сылларга соҕуруулуу-арҕаа Германияҕа ниэмэс Südwestfunk хампаанньаҕа үлэлии сылдьар Андреаһы 24 саастаах хараҕа суох суруналыыһы кытта үлэҕэ ыыппыттар[6]. Бастаан Хайнеке бу хараҕа суох суруналыыс, "тылдьыттарга уонна энциклопедияларга билгэни да сатаан булбат эрээри"[2], тугу үлэлиэн сөбүн кыайан өйдөөбөтөх. Ол эрээри бу эдэр суруналыыс чуор кулгаахтаах буолан элбэҕи билэр-истэр эбит[2]. Бу көрсүһүү хараҕа суохтар да таһаарыылаахтык үлэлиэхтэрин сөптөрүн бигэргэппит. Бу түгэнтэн ыла Андреас хас да түмэт бырайыагын айар[1][2].
1988 сылтан Франкфурте-на-Майне баар Хараҕа суохтар ассоциацияларыгар (ниэм. Stiftung Blindenanstalt) үлэлиир[1]. Интернет үөдүйүөн инниттэн Андреас хараҕа суохтарга анаммыт электроннай тэриллэри айар, электроннай хаһыаттары, биллэриилэри таһааран саҕалыыр[2][3].
Бу үлэлии сылдьан билиҥҥи кэм сүрүн кыһалҕатын өйдөөбүт - хараҕа суохтар уонна харахтаахтар икки ардыларыгар баар мэһэйи суох оҥоруохха наадатын уонна бу дьон хараҕа суохтартан куттаныа суохтаахтарын өйдөөбүт[2].
1989 сыллаахха Хайнеке Иоганн Вольфганг Гёте аатынан Франкфурт университетыгар доктор буолбут (1985 сылтан үөрэммит)[4].
1996 сыллаахха Андреас Хайнеке хараҕа суохтар уонна харахтаахтар икки ардыларыгар баар мэһэйи суох оҥорор туһугар бэйэтин бизнеһын саҕалаабыт[1].
1988 сыллаахха «Хараҥаҕа кэпсэтии» диэн ааттаах быыстапканы саҕалыыр.
1997 сыллаахха ойоҕун Орна Коэны (англ. Orna Cohen) кытта бастакы «Кэпсэтии» холобурунан «Уу чуумпуга кэпсэтии» диэн быыстапканы саҕалаабыттар.
1999 сыллаахха кэргэнниилэр Consens GmbH хампаанньаны тэрийэллэр.
2000 сыллаахха Гамбург куоракка «Хараҥаҕа кэпсэтии» быыстапкаҕа олоҕуран Dialogue in the Dark for the Promotion of Social Creativity ассоциацияны тэрийбит[4]. 2000 с. Гамбуркка Consens Ausstellungs GmbH хампаанньаны тэрийбит уонна 2008 сылга дылы салайан олорбут[4].
Андреас 2003 сыллаахха Рендсбуркка[4]дьүлэй дьоҥҥо анаммыт тылбаас хампаанньатын тэрийэр (Telesign GmbH)[3].
2005 сыллаахха Франкфуркка «Кэпсэтии музейын» (ниэм. Dialogmuseum GmbH) тэрийэр[4].
2006 сылтан 2008 сылга дылы Рендсбуркка (Германия) бэйэтэ тэрийбит Schattensprache GmbH хампаанньаны салайар[4].
2008 сыллаахха Орна Коэны кытта тэҥҥэ (ааҥл. Orna Cohen) Dialogue Social Enterprise GmbH хампаанньаны арыйар[7].
2008 сылтан Андреас Хайнеке Аан Дойдутааҕы Экономика Форумун Сүбэтин чилиэнэ (түмэт урбааныгар).
Быһаарыылар уларыт
- ↑ 1,0 1,1 1,2 1,3 Andreas Heinecke(ааҥл.). Bloomberg. Тургутулунна 4 Ыам ыйын 2015.
- ↑ 2,00 2,01 2,02 2,03 2,04 2,05 2,06 2,07 2,08 2,09 ANDREAS HEINECKE(ааҥл.). Ашока (фонд). Тургутулунна 4 Ыам ыйын 2015.
- ↑ 3,0 3,1 3,2 Andreas Heinecke(ааҥл.). EBS Business School. Тургутулунна 4 Ыам ыйын 2015.
- ↑ 4,0 4,1 4,2 4,3 4,4 4,5 4,6 4,7 4,8 Prof. Dr. Andreas Heinecke(ааҥл.). EBS Business School. Тургутулунна 4 Ыам ыйын 2015.
- ↑ Light from darkness. projectm-online.com (От ыйа 2009). Тургутулунна 4 Ыам ыйын 2015.
- ↑ По другим данным — 28-летним.
- ↑ Company Overview of Dialogue Social Enterprise GmbH(ааҥл.). Bloomberg. Тургутулунна 4 Ыам ыйын 2015.
Цитата сыыһата: Бу <references> туттар маннык <ref> "deutscher-gruenderpreis.de.dialogue" диэн тиэгэ бу иннинээҕи тиэкискэ туттуллубат эбит.