Андросов Гаврил Гаврильевич

Андросов Гаврил Гаврильевич — бэйиэт, саха устуоруйатыгар идэтийэр публицист, 2020 сыллаахтан "Чолбон" сурунаал тутаах эрэдээктэрэ. Арассыыйа суруйааччыларын Сойууһун чилиэнэ, 2023 сыл алтынньы 6 күнүттэн Саха Сирин суруйааччыларын Сойууһун бырабылыанньатын бэрэстээтэлэ.

Олоҕун олуктара

1985 с. ыам ыйын 6 күнүгэр Таатта улууһун Баайаҕа нэһилиэгэр төрөөбүтэ.

2007 сыллаахха М.К. Аммосов аатынан Саха судаарыстыбаннай университетын Саха тылын уонна культурологиятын факультетын үөрэнэн бүтэрэн, саха тылын уонна литературатын учууталын сэргэ литература эрэдээктэрэ уонна кириитигэ идэни ылбыта.

Үлэтэ

2007-2015 сылларга «Саха сирэ» хаһыат «Эдэр саас» сыһыарыытын, Норуот духуобунай барҕарыытын кыһалҕаларын салаатын кэрэспэдьиэнинэн, устуоруйаҕа уонна духуобунай сайдыыга анаарааччынан үлэлээбитэ. 2015 сыл ыам ыйыттан “Чолбон” сурунаал сүрүн эрэдээктэрин солбуйааччынан үлэлээбитэ.

2020 сыл от ыйын 2 күнүттэн "Чолбон" уус-уран сахалыы сурунаал сүрүн эрэдээктэрэ.

2023 сыл алтынньы 6 күнүттэн Саха сирин суруйааччыларын сойууһун бэрэстээтэлэ.

Айар үлэтэ

Гаврил Андросов үс хоһоон, үс кыраайы үөрэтии уонна публицистика кинигэлэрин ааптара.

Наҕараадалара

СӨ бочуоттаах бэлиэтинэн, Лев Гумилев аатынан Казахстан Евразиятааҕы национальнай университетын мэтээлинэн наҕараадаламмыта. СӨ култууратын туйгуна. Кини Намжил Нимбуев аатынан норуоттар икки ардыларынааҕы поэзия турнирын призера (2009), «Кыһыл көмүс бөрүө» СӨ Суруналыыстарын сойууһун бириэмийэтин лауреата (2012), «Сахабыт тылын кэскилин туруулаһарыҥ иһин» уопсастыбаннай бириэмийэ лауреата (2019).