Араак (сулустар бөлөхтөрө)

Араак (лат. Cancer) — зодиак сулустарын бөлөҕө, Хахай уонна Игирэрэр ыккардыларынан баар.

Араак

Интириэһиргэтэр объектар

• Араак α-та, арааб аата — Акубенс, ол аата «клешня». 4,3 улаханнаах.
• Араак ζ-та, икки хостоох сулус, 59,6 сыл периодтаах эргийэллэр.
• Дьааһыла, (Praesepe, М44) сулустар мустуулара, сороҕор "Тигээйи уйата" диэн ааттыыллар. 350 кэриҥэ сулустардаах. Биһигиттэн 525 сырдык сыла ыраах.
• M67 мустуу, Араак α-тыттан 1,8° арҕаа диэкки баар, биһигиттэн 2500 сырдык сыла ыраах уонна 500 сулустардаах.
• NGC 2664 уонна NGC 2678 мустуулар.
• Дьааһыла уонна Тарбыйахтар астеризм, Араак γ-та уонна Араак δ-та уонна Дьааһыла сулустар мустуулара.

Кэтээн көрүү

Күн бу бөлөххө от ыйын 20 күнүгэр киирэр. Арассыыйа территориятыттан тохсунньуга уонна олунньуга ордук көстөр.

Устуоруйата

2 тыһыынча сыл нөҥүө сайыҥҥы Күн туруута бу бөлөххө баара, ол иһин Хотугу тропик хос аата Араак тропига диэн.

Былыргы гириэктэн номохторуттан Араак Геракл иккис хорсун буһыытын кытта сибээстээх. Бары кыыллар Геракл диэкки эрдэхтэринэ Араак эрэ утары турбут уонна кинини атахха ытырбыт. Геракл атаҕынан тэпсэн өлөрбүт. Гера таҥара Гераклы абааһы көрөр буолан Араагы сулустар бөлөхтөрүгэр кубулуппут.

Араак γ-та уонна Араак δ-та, Тарбыйахтар диэн ааттаахтар, кинилэри уонна Дьааһыла диэн мустууну булт таҥарата Дионис халлааҥҥа таһаарбыт.

Клавдий Птолемей «Альмагест» каталогар киирбитэ.

Сигэлэр

• WIKISKY.ORG: Рак
• Астромиф: Рак Архыыптаммыт 2009, Ахсынньы 19 күнүгэр.