Хахай (сулустар бөлөхтөрө)

Хахай (лат. Leo) — зодиак сулустарын бөлөхтөрө, Араак уонна Кыыс бөлөхтөр икки ардыларынан баар. Чаҕылхай сулустара сытар хахайы санаталлар.

Хахай

Сулустар

• Регул (Хахай α-та), латыынныы "ыраахтааҕы" диэн. Сороҕор "Хахай Сүрэҕэ" (Cor Leonis) диэн ааттыыллар. Ырааҕа 85 сырдык сыла, Күнтэн 160 төгүл улахан.
• Денебола (Хахай β-та). Латыынтан тылбаастаатахха "Хахай Кутуруга". 2,14 улаханнаах уонна биһиттэн 43 сырдык сыла ыраах.
• Альгиеба (Хахай γ-та), ол аата "Хахай баттаҕа". Бу икки хостоох 2,0 улаханнаах сулус.
• Хахай R-а.
• Вольф 359 бытархай сулус, улахана 13,45.

Атын интириэһиргэтэр объекттар

• М 65, М 66, М 95 уонна М 96 спираль халыыптаах галактикалар.
• М 105 эллипс халыыптаах галактика.

«Серп» астеризм

Серп алта сулустаах: — α (Регул), η, γ (Альгиеба), ζ, μ уонна ε (Альгенуби). Халыыба серп эбэтэр ыйытыы бэлиэтигэр маарыҥныыр.

Кэтээн көрүү

Күн бу бөлөххө атырдьах ыйын 10 күнүгэр киирэр. Арассыыйа территориятыттан олунньуга ордукк көстөр.

Устуоруйата

Былыргы бөлөх. Шумердар 5000 тыһ. сыл нөҥүө билэллэрэ. Клавдий Птолемей «Альмагест» каталогар баар. Номох Геракл өлөрбүт Немея хахайын саныыр.

Сигэлэр

• WIKISKY.ORG: Лев
• Астромиф: Лев Архыыптаммыт 2009, Ахсынньы 19 күнүгэр.